[Unicode]
Rioငိုတာရပ်သွားတော့ သူ့မျက်လုံးကတော်တော်
လေးကို မို့အစ်နေပြီဖြစ်တယ် သူဘာဖြစ်နေမှန်းကို
မသိဘူး အရမ်းကို ဝမ်းနည်းတတ်နေတယ်
'အချိုလေးဘာလေးစားရမယ်'
ညနေအိမ်အောက်ထပ်ကိုဆင်းတော့ Dennisမရှိလို့တော်သေးတယ် သူDennisကိုပြောချင်ရာတွေပြောထားခဲ့တာ အဲ့ဒါက Dramaဆန်တော့နည်းနည်းရှက်ဖို့ကောင်းတယ်
အဲဒီနေ့ကစပြီး Dennisကသူ့အခန်းဆီမလာတော့ပေ သူကလည်း Dennisနဲ့တွေ့ရင် မသိချင်ယောင်ဆောင်နေလိုက်သည် မခေါ်မပြောဘဲနေတာ တစ်ပတ်တောင်ရှိပြီ သူနည်းနည်းတော့ မနေတတ်
သလိုပဲ
....
အန်တီ Sharlesက ခွင့်ယူထားတာကြောင့် Conanလေးကို စားဖိုမှူးDrakeကပဲကြည့်ပေးနေရတယ်
Rioလည်းအလုပ်မှာခွင့်ယူထားတာကြောင့် အိမ်မှာနေပြီး Conanလေးသူ့ကိုမမုန်းတော့အောင် ကြိုးစားနေရတယ်
အခုလည်း စားဖိုမှူးDrakeကညစာအတွက် ပြင်ဆင်နေတုန်း Conanလေးရဲ့ အခန်းကိုသူသွားတယ်
"Conanလေး ဘာတွေလုပ်နေတာလဲ"
Conanလေးက ဝက်ဝံရုပ်တွေပါတဲ့ ညအိပ်ဝတ်စုံလေးနဲ့ ချစ်ဖို့ကောင်းနေတယ် ရေချိုးပြီးခါစဖြစ်လို့ နှာခေါင်းလေးကလည်း ရဲရဲလေးဖြစ်နေ၏
"ဘာမှမလုပ်ဘူး"
Conanလေးကတကယ်တော့ ရုပ်ပုံပါတဲ့ ပုံပြင်စာအုပ်တွေကိုကြည့်နေတာဖြစ်တယ်
Conanလေးရဲ့အနားကိုသွားထိုင်လိုက်ကာ Conanလေးရဲ့ နူးနူးညံ့ညံ့လက်သေးသေးလေးကိုRioဆုပ်ကိုင်လိုက်တယ်
"အရင်က Conanလေးရဲ့ လက်ကလေးကို Uncleက လိမ်ဆွဲခဲ့ဖူးတယ်မဟုတ်လား"
Conanလေးက သူ့ကိုထူးဆန်းစွာကြည့်ပြီး လက်ကလေးကိုသူ့လက်ထဲကပြန်ဆွဲထုတ်လိုက်တယ်
"သားသားလက်ကိုမထိနဲ့ မကြိုက်ဘူး"
ကလေးလေးတစ်ယောက်ရဲ့မုန်းတာကိုခံရတဲ့သူက တကယ်ကို အပြစ်ရှိတဲ့သူပဲ အဲဒါကြောင့်လည်း မူလRioကနောင်တရသွားတာထင်တယ်
သူConanလေးရဲ့ အခန်းပြတင်းပေါက်ကိုကျောခိုင်းရပ်လိုက်ကာ Conanလေးကိုကြည့်လိုက်တယ်
"Uncle ဒီအိမ်ကထွက်သွားရင် Conanလေးပျော်မှာမဟုတ်လား"
"အင်း"
