(Unicode)
Davidကခါတိုင်းလို Deanထက် ကျောင်းကိုစောသွားသည် Deanကလည်း ခါတိုင်းလိုပဲ နောက်ကျမှကျောင်းကိုသွား၏ ထူးခြားတာကတော့
သူ့ကလေးလေးDavidပြင်ပေးထားတဲ့ ပေါင်မုန့်မီးကင်ကိုစားရင်းနဲ့ ကားကိုဖြေးဖြေးလေးမောင်းရင်းသွားတာဖြစ်တယ် ပေါင်မုန့်ကတူးနေပေမယ့် ခါတိုင်းမနက်စာတွေထက်တော့ ချိုမြိန်နေသည်
Dean အိမ်ကထွက်လာပြီးမကြာဘူး သူ့ကိုကားရပ်ပြီးစောင့်နေတဲ့ Henryကိုတွေ့ရတယ် Deanလည်း ကားစက်သပ်ကာ ကားထဲကထွက်လာလိုက်ရသည်
"ဘာဖြစ်တာလဲ"
Deanမေးလိုက်တော့ Henryကသူ့ကို အားကိုးတကြီးကြည့်လာတယ်
"ငါ့ရဲ့ Eastonကို သူ့အဖေက အိမ်အပြင်ထွက်ခွင့်ပိတ်ထားတယ် အဲဒါမင်းဆီက အကူအညီတောင်းစရာရှိလို့"
Deanက ကားကိုမှီလိုက်ပြီး ခပ်မိုက်မိုက်ရပ်နေလိုက်၏
"ဆိုစမ်းပါဦး ငါက ဘယ်လိုကူညီနိုင်မှာမိုလို့လဲ"
"Eastonပြောတာ သူ့အဖေက ပိတ်ရက်တွေမှာသူ့(Easton) ကိုလာသင်ပေးဖို့ မင်းကို အကူအညီတောင်းမယ်တဲ့ အဲဒီရက်တွေကျ မင်းက အကြောင်းပြချက်လေးပေးပြီး တစ်ခါ နှစ်ခါလောက် Eastonကို အပြင်ကို ခေါ်ထုတ်ပေးပါ့လား"
Deanက မျက်ခုံးကိုတွန့်ချိုးလိုက်သည် 'ဒီတော့ ဒီကောင်ကသူ့ကောင်လေးနဲ့တွေ့ရဖို့ ငါ့ကို Big Bossကြီးနဲ့ရင်ဆိုင်ခိုင်းနေတာပေါ့'
Dean မငြင်းရသေးခင် Henryက အသည်းအသန်ဆက်ပြောသည်
"Eastonနဲ့ ခဏလေးဆို ခဏလေးတွေ့ရလည်း ငါကျေနပ်ပါတယ် ကူညီပါကွာ ဟိုတစ်ခါကမင်းကြိုက်တယ်လို့ပြောတဲ့ ငါးပြတိုက်ကို လက်ဆောင်ပေးမယ်လေ"
ဒီတစ်ခါတော့ Deanသဘောတူလိုက်သည် ငါးပြတိုက်တစ်ခုအလကားရမှာဆိုတော့ သူ့ဘက်ကလုံးဝအရှုံးမရှိဘူး
Henryက သူ (Dean)ကတိအထပ်ထပ်ပေးကာမှ လှည့်ပြန်သွားသည် သူ(Dean)ကတော့ နဂိုတည်းက ကျောင်းနောက်ကျနေတာ ပိုတောင် နောက်ကျသွား၏
...............
ကာယအချိန်မှာ အတန်းCက အပြေးလေ့ကျင့်နေရင်း Deanကိုကြိုက်နေတဲ့ကောင််မလေးတစ်ယောက်က Davidရှေ့မှာ မေ့လဲသွားသည် Davidက မကူညီချင်ပေမယ့် ကာယဆရာက သူ့ကို ထိုကောင်မလေးအား ကျောင်းဆေးပေးခန်းဆီ ပို့ခိုင်းလိုက်၏ ဖြစ်နိုင်ရင် Davidက ထိုကောင်မလေးကို တရွတ်တိုက်ဆွဲသွားချင်တာဖြစ်တယ် ဒါပေမယ့် ကာယဆရာပြောတာကြောင့် ကုန်းပိုးသွားလိုက်ရသည်
'တော်တော်ရှုပ်တာပဲ Deanမြင်ရင် ဘယ်လိုရှင်းပြရမလဲ'
