عيونك الزرقاء

الفصل الاول

في أحد الشوارع البسيطة التي تتميز بسكانها الطيبين نجد في أحد العمارات القديمة بطلتنا سارة تلك الفتاة التي تملك من العمر 20 عاما ذات الشعر الطويل البني و العيون الواسعة الزرقاء و بشرتها البيضاء و غير تلك المواصفات ف هي ذات قلب طيب بشدة ربما يصل بها إلى السذاجة

_____________

فتحت سارة نوافذ الغرفة لتدخل إليها الشمس : يلا اصحوا بقالي نص ساعة بصحي فيكم
همهمت نور شقيقة سارة التي تملك خمس عشر عام بنعاس : شوية كمان بس يا سارة
اتجهت سارة نحوها و هي تسحب الغطاء من فوقها : لا ولا ثانية كمان ده النهاردة اول يوم مدرسة
نهضت جميلة شقيقة سارة الصغيرة ذات السبع أعوام و هي تقفز عل فراشها بحماس : انا صحيت
ضحكت سارة بخفة : طبعا لازم تصحي م النهاردة اول يوم ليكي في المدرسة
احتضنتها جميلة بقوة : انا متحمسة اوي يا سارة
وضعت سارة قبلة صغيرة على خديها : انتي قلب سارة اصلا ، يلا روحي اغسلي وشك عشان نفطر
نظرت نور لهم بضيق و هي تسحب الغطاء عليها مجددا : كفاية كلام بقى عايزة انااام ، اهو انتي لسة قايلة اول يوم يعني مش مهم يعني مش لازم نروح
سحبت سارة الغطاء من عليها مجددا : لا لازم يا ست نور يلا بقا بدل مصحيكي بطريقتي
إجابتها نور و هي تنهض من على الفراش بكسل : خلاص قمت قمت
ابتسمت لها سارة : شاطرة يلا بقا عشان نفطر

___________

خرجت سارة من الغرفة تجلس على طاولة السفرة تنتظرهم حتى يتناولون الإفطار
ظلت تنتظر لما يقارب العشر دقائق حتى اخيرا خرجت نور من الغرفة : اخيرا خلصتوا
نظرت لها نور باستغراب : سارة احنا بقالنا عشر دقايق بس
تنهدت سارة بهدوء : عارفة بس اصل انا متوترة اوي النهاردة اول يوم جامعة ليا
جلست نور بجانبها لتقل بسخرية : يعني ينفع تكوني رايحة أكبر جامعة في القاهرة و دخلة بمنحة و كمان الكلية الإنتي عيزاها و تكوني متوترة انا لو منك اعمل فرح
نظرت لها جميلة بهدوء : تصدقي انتي معاكي حق بس بردو ده اول يوم ... يلا مش مهم اومال جميلة فين ؟
أتاها صوت جميلة و هي تخرج من الغرفة : انا هنا اهو
ضيقت سارة عيناها : ايه الورى ضهرك ده ؟
نظرت لها جميلة بمرح : ولا حاجة
وقفت نور بجانب جميلة : خلاص يا جميلة يلا
اخرت جميلة من خلف ضهرها احد الدفاتر الجميلة و هي تدعها امام سارة
نظرت سارة للدفتر ثم لهم : ايه ده ؟
اقتربوا منها : ده كشكول اشترناه هدية عشان اول يوم جامعة ليكي
نظرت لهم سارة بحب : حرام عليكوا هتخلوني اعيط
انهت جملتها و هي تتجه نحوهم و تحتضنهم بقوة : انا بحبكم اوي
ضحكت نور و هي تبتعد عنها : طب خلاص لو سمحت كفاية مشاعر خلاص
ضحكت سارة بقوة : يا بنتي حرام عليكي هو انتي على طول كدة
رفعت نور حاجبها : قصدك معنديش مشاعر يعني
هزت سارة رأسها بمعنى نعم
نظرت لها نور بلامبالاة : هو انتي اول مرة تعرفي ولا ايه
ضحكت سارة بقوة و هي تقوم بضرب نور على رأسها بخفة : طول عمري عارفة
ضحكت نور هي الأخرى: بحسب
اتجهت سارة نحو الباب ترتدي حذاءها بعجلة : انا نازلة عشان متاخرش على سلمى متنسوش تحطوا اكل لنم نم قبل م تنزلوا
اتجهت جميلة نحو العصفور المتواجد داخل قفص صغير و هي تقول بحماس : انا هحطله
ابتسمت لها سارة : شطورة يا جميلة .. اه صحيح انا هرجع النهاردة متاخر شوية
نظرت لها نور باستغراب : ليه يعني ؟
إجابتها و هي تاخذ حقيبتها من على الطاولة : انا و سلمى هندور على شغل
نور : شغل ! و ايه الحصل الشغل القديم ؟
سارة: المدير مش موفق نشتغل بعد الجامعة
ابتسمت لها نور : ربنا معاكي
بعثت لها قبلة : يا رب يا قلبي يلا سلام خلي بالك من نفسك و من جميلة
نور : حاضر يا قلبي

_____________

اتجهت سارة نحو منزل صديقتها بل شقيقتها سلمى التي تمتلك 20عام ذات عيون خضراء و شعر بني قصير و بشرة بيضاء تلك صفات شكلها اما طبعها ف هي ذات طبع مرح و قلب طيب فقط تسطيع ان تغضبها اذا لمست سارة او نور او جميلة ف في تلك اللحظة سوف ترى نمر شرس على اتم الاستعداد لقتلك
ظلت تطرق الباب لثواني حتى فتحت سلمى اخيرا
ابتسمت سارة : انا جيت يلا بقا هنتاخر
اسرعت سلمى للداخل : ادخلي يا سارة خمس دقايق و اكون جاهزة
نظرت لها سارة بغضب : حرام عليكي يا سلمى هتاخر من اول يوم
ضحكت سلمى و هي تنظر لها باستفزاز : سارة حبيبتي كام مرة اقول ان انتي لما تتعصبي بيكون شكلك مضحك مش مخيف
نظرت لها سارة بضيق: طب يلا احسن اسيبك و امشي
سلمى : خلاص خلصت يلا

______________

في أحد وسائل المواصلات العامة
نظرت سارة لسلمى فجأة: سلمى هو انتي ليه مش متحمسة ذيي ؟
نظرت لها سلمى : لان بكل بساطة النهاردة اول يوم ليكي لاكن انا في تانية جامعة ف دي مش اول مرة اروح فيها يعني
نظرت لها سارة باقتناع : ايوة فعلا معاكي حق بس انا متحمسة اوي
نظرت لها سارة بسخرية : على ايه مش عارفة ؟
إجابتها سارة بضيق : انتي رخمة اوي على فكرة بقا انا متحمسة و انتي تقوليلي على ايه مش عارفة
قلدت صوت سلمى بسخرية
لتنظر لها سلمى بضيق : بقى انا بتكلم كدة
هزت سارة رأسها بمعنى نعم و هي تضحك بشدة
ضحكت سلمى على ضحك صديقتها حتى وصلوا إلي الجامعة اخيرا

___________
امام الجامعة
وقفت سارة امام الجامعة تنظر لها بحماس ف هي تقف أمام حلمها لقد تمنت أن تكون أحد طلاب تلك الجامعة و اخيرا حلمها يتحقق و هي على بعد خطوات بسيطة منه
و في نفس الوقت كان يقف على نفس الخط الذي تقف عليه يوسف الذي يمتلك 22 عام ذلك الوسيم صاحب الجسد الرياضي و القامة الطويلة و تلك العيون البنية و شعره البني كان مظهره يدل على شخصيته ذات شخصية غير اجتماعية بالمرة ف هو دائما يجلس بمفرده و هو يضع سماعته داخل أذنه كما يفعل الآن ، لم يكن له صديق حقيقي في يوم ما كل من يحاول مصاحبته يكن فقط من أجل التقرب من والده
نزع السماعة من أذنه و نظر للجامعة كما كانت تفعل سارة في نفس الوقت لكن مع اختلاف المشاعر ف هو حزين و غاضب لقد تم إجباره على تلك الجامعة ف هو لا يريد تلك الجامعة او حتى القسم التي تم تسجيله به
اما سارة ف كان هناك فراشات تطير من حولها ف حلمها اصبح حقيقة امام أعينها

يتبع ......

Mariam 💜💚