في ضريح العشق حمامـــــه......💙🕊

البارت الثاني

البارت الثاني...
في ضريح العشق حمامة...
وئام الشيخلي..

اسعد الله أوقاتكم أحبتي...

،،،،،،،،،،

علمتني الشوق وعرفتني بالحب.. وكرهتني ثلاثة: غيابك.. وبعدك.. وفرقاك.
لا شيء أتمناه في حياتِي سِوى قُربَك إِلى مَا لا نهاية....

أريد أن أخبرك بهذا الوقت أنّي أفُكّر بك.. أنتظرك، أشتاقَ لك والأهم من ذلك أنّي أحبّك جداً

.ربي هناك شخص تعلم أني أشتاق له كثيراً فيا رب احفظهُ لي...
،،،،،،،،،،

مشيت بخطوات متثاقله بالكوه أجر خطواتي.. طلعت للحوش وصبحت على خالتي صباح الخير امي..

ردت وهي تطفي منظم دبه الغاز وتدفع الصاج بعيد عن الأطفال.. هلا امي هلا بهالصباح .

التفت لأطفالي ماكو رد ياكلون خبز الصاج عبالك كايمين من وجعه..

بقيت واكفه بمكاني وعيوني تباوع لخالتي الي صارت تصف صواني الخبز بصينه أكبر وتحسب باصابعها يمكن عدد الجوارين..

اخاف اسألها ليش توزع واخاف من الي أبالي..

فضلت السكوت وكلبي نار..
وهي دا تشيل الصينيه اتقربت اساعدها ماقبلت..

كالت لايمه مابيج حيل.. وصرنا عين بعين والدمع غرر بعيوني. وهي فهمت عليه وكالت ها ياامي..
بس كلت ليش؟؟؟

وماسيطرت ع دموعي نزلت بغزاره..

ردت.. والله شفت منام بليلى وخايفه عليها...يجوز للعصر اروح اشوفها واشوف ابنيتها اخاف بيهن شي..
بلعت ريكي ورديت أن شالله مابيها الا العافيه..

صاحت خالتي ع إلياس ياله يمه..
استعد إلياس مامصدك شايل خبزته ولابس ملابس النوم البازه..

ماعلقت ولا الي واهس ابدله.. وهو ماصدك عبالك رايح سفره لجزر المالديف.. لأن مااخليهم يطلعون اخاف عليهم..

لان قبل فتره طلعت دعايه ع جماعه الكف الأسود عود ذوله جماعه لابسه كف اسود وتقتل الأطفال..
واني شلوني بدون كلشي اخاف عليهم من الهوا..
وبعدها كالو كذب ماكو هيج جماعه وهاي دعايات...

رجعت كعدت وبالي شارد وروحي مسحونه..ماعندي غير الدعاء..

سمعت جرس الباب راحت انوسه فتحت الباب.. وإني مشيت وراها..
سمعت صوت ريتا صديقتي..

دخلت صبحت ورديت عليها صباح النور بالكوه أجرها جرر..
كعدت تبوس باطفالي..
سالتني شبيج مو على بعضج..
رديت والله ياريتا احس نفسي تعبانه حيل..
ردت يعينج الرب..

ريتا.. مهاوي اريد ياس من الحديقه وورد طبيعي..
رديت اي حبيبه ادللي اخذي حبي الحديقه كدامج..

ريتا.. مو اليوم الثلاثاء اجي اخذ.. اخاف يذبل إذا أخذه اليوم..

براحتج ريري..
ريري تبوس بميوسه وهي منطلقه ترطن الها بكلام مااعرف بيا لغه.. وترد عليها اي اي والرب كلامج صح..