في ضريح العشق حمامـــــه......💙🕊

الثالث والثلاثون ــ الجزء الثاني

في ضريح العشق حمامه ـــ

وئام الشيخلي ......

البعض يطيب لهم المساء، والبعض يطيب بهم المساء، وما اجمل المساء بأرواح وقلوب مثلكم مساء الورد.

ــــــــــ

ــــــ

بــــ اختصار
- هُناكَ أشخاص... .

لآ أبَالغ إنْ قُلت عَنهُم ، أنَهُم أدُويَةٌ لِـ أرُوآحُنَــــا المُنكَسِرة ..!

اول يوم دوام بالمرحلة الرابعة.

صليت الفجر وقريت قرٵن.
ورجعت تمددت بفراشي وفاتحة عيوني واتذكر اول يوم الي دوام بعد ماحولت من ڪليه الهندسه للاداره والاقتصاد.

اتذڪرت ذاك اليوم بتفاصيله والاجمل ڪان بابا وياي يدعمني بڪلماته الي ماامل من سماعهن.

طاقه ايجايبه متجدده.

وما انكر حبيت الاختصاص لان بابا وخالو ارشد خريجين نفس الجامعة.

والفضل لخالو بالذات بأقناعي بهذا الاختصاص.
باسلوب الحلو خلاني ارسو ؏ بر.
واستقر باالاختيار بعد ماڪنت احس نفسي ضايعه مشتته.

لان فعلا هالاختصاص يناسبني وحبيته وگدرت اتميز بيه...

وڪٵن شريط فيديو مسرع مر گدام عيني الثلاث سنوات المضت بحلوها ومرها وافراحها واتراحها.

يا الله هاي وين وصلت بأفكاري راح اتأخر واكيد دكتورنا ما يفوته شي لازم يگعد يصنف عليه و؏ مسك.
مرام حصلت اعفاء من تصنيفاته بعد ماصارت حرم الحيد الياس فدوه لعينهم شلون اثنين غلاتهم بگلبي مالها وصف .

واڪيد ما تخلو مداخلات دڪتورنا من جلسات الطرب..

استنشقت بقوه وزفرت وگفت لحيلي توڪلت ؏ ربي.

اباوع مسك صافنه وعيونها الحلوه. متوجهه للشباك ادري شگد تحب منظر ذرات الغبار وخيوط اشعه الشمس الداخله للغرفه.

يتهنا الشاغل بالج. گلتها وهي ابتسمت.

امين يارب ڪون يتهنا.

سحبت ايدها نهضت. بستها وصوت حسراتها وڪانها ما صدگت اتقربت منها.
ارتمت بحضني وصارت تشڪيلي.

اشتيقاها اله و؏ اعصابها متحمله قرارها ماڪو اتصال ولا رسائل.
وهي تحاول تفڪر بعقلها وتنطي اجازه لگلبها.

ياله عمري لانتاخر.

دعيت ربي يبرد گلوبهم.

غسلت وغيرت ملابسي الي محضرتهم من البارحة.

واكيد لازم اخذ رأي مسك وگالت جملتها المعهودة اللي ما تخلى من كلمات البرنس والرب تطيرين ابراج العقل...

نزلت واشوف َماما واگفة بالمطبخ تحضر بالريوگ.
تنهدت ورددت بگلبي الله لا يحرمني منج..