في ضريح العشق حمامـــــه......💙🕊

البارت الثامن

في ضريح العشق حمامة...
البارت الثامن...
وئام الشيخلي...

اسعد الله مسائكم أحبتي.. ❤️

الحرب مأساة يستعمل فيها الانسان أفضل ما لديه ليلحق بنفسه أسوأ ما يصيبه...

،،،،،،،،،،،،،،،،،،
الأربعاء 17/1/1991.....

يوم عصيب مر على العراق كلة... ذعر خوف.. ماصار سنتين من خلصنا من حرب أكلت الأخضر واليابس......

راحو عزاز وسكنو المقابر.. وهم عايشين بروحنا.. ياربي سبحانك.. شنو المكتوب على العراقيين.. شوكت نرتاح إلهي سيدي مولاي.....

بدت الاذاعه تبث الاغاني الوطنيه والحماسيه..

ويطلع المذيع بصوت يرعب ويصح الله أكبر الله أكبر واليخسأ الخاسئون..

وكل شوي يعلنون عن خطاب لرئيس الجمهوريه...

وبدت الإذاعات تنقل أخبار القصف ع بغداد.

.
وأعلن الرئيس الأمريكي جورج بوش عن قصف ٩٠٪ من المواقع الحيويه.. حتى يبث الرعب بين صفوف العراقيين...

وبدا رئيس العراق بخطاب بدأ الخطاب ب(يانا كوني بردا وسلاما ع إبراهيم)
وأطلق ع المعركه اسم المعارك... واحنا ملينا وخلصت كلوبنا من المعارك..

واعتبرها منازله بين الحق والباطل.. وأشاد بالعراقين والقوات المسلحة والجيش العراقي والشعبي...
الله يعينكم يالعراقين..

بينما سموها هم عاصفه الصحراء لتحرير الكويت..

كان اليوم موعد للامتحانات نصف السنه.. بس اتعطل الدوام بالمدارس والمعاهد والجامعات..

اباوع لخالتي الي انتهت اقويها لو تقويني....

وكلماتها التي تذكر بيهن محمد وتاكل بنفسها وتكول مو اجه ليش خليته يرجع.....

وامي مكابلتها وتكولها ادعيله وادعي لكل عراقي...

نجلة ماشفتها.. أطفالي كل شوي يكولون هيام تبجي وهم من كثر مايحبونها تلعبهم ترسم الهم متعلقين بيها.....

وهي تبجي تكول الامتحان راح عليه.....

دخل علينا أبويه.. مارضا ع بجينا وخاصه خالتي انتهت من البواجي . الله يعين كلبها.....

ابو نجم.... . ام محمد هذا جزع والرسول صلى الله عليه وآله وسلم نهى عنا مابيدنا غير الدعاء....

ادعي لولد الخايبات قبل لاتدعين لابنج..
كومي توضي وافرشي سجادتج واطلبي من الواحد الأحد....

يطفي النار ويخمدها..

هنا واجت ام عباس وحيدها عباس وي الجنود بالكويت..
منتهيه بجي....

استغفر الله ربي والله تبجي الصخر..
تلكاها ابوي..
هلا ام عباس هلا باخيتي كولي يالله..
يرده العينه ماتنام..