في ضريح العشق حمامـــــه......💙🕊

البارت السادس عشر

# في ضريح العشق حمامة،،

البارت السادس عشر،،،
وئام الشيخلي،،،،

اسعد الله أوقاتكم حبايب قلبي.، ❤️.،

،،،،،،،،،

‏وفى غيابك
جلست أخيط دقائق الوقت بخيوط الحنين
ليكتمل ثوب أنتظارك ..!
وبعد...
"‏فيُدنيني إليك الشوقُ حتى
تكادُ تئنُّ في صدري العِظامُ".

،،،،،،،،،،،،،،،،،

في ايلول وما ادراك. ما ايلول شهر مشرق بلون اقحوانه معطاء بزهرة اضاليته
كل وردة تتفتح فِيَھ كأنها عروس تتربع علـّۓ. عرشها في قصر الزوجية وشقائق نعمانه ترقص حولنا تبهرنا بزهوها اجواء تغلغل الفرح في مساماتنا في ه̷̷َـَْـُذآ الشهر الذي جسد لنا تمثالا م̷ـــِْن السعادة تحوم عصافير السرور فوقنا...

بيوم اجتني كرستين هي وانجيلا اختها..
طلبت بوردا مودرن حتى تختار بدله وتجرب إذا تكدر تصممهه هي وتخيطها.

.
ومن شفتها فرحانه كلش فرحت بس استحي اسألها أو اعرف اذا هي تحب إلياس مثل ماهو يحبها والي فهمته من كلام محمد كلش يحبها..

كرستين اختارت بدله كلش بسيطه موديله مثل فستان ابو السمكه..
وكعدنه اني وياها نترجم الملحق الموجود.. لان.  English.

ومسك بحضني كل شوي تجر القلم من أيدي.. صايره وكحه..

نزلتها بالكاع وذكرت اني نقعت الها تمر وصفيت الماي منه رحت خليته بالممه وجبته الها.. وهي لزمت الممه بيدها وجرت اصبعي بيد الثاني تلزمها .

سألتني كرستين عصير شنو هذا..
رديت مو عصير هذا تمر..
حجيت الها عن الطريقه والفوائد..

اشرتلي بايدها علامه اوكي..
دايم هاي أشارتها من يعجبها شي..

ڪرستين ...مسك بيها أهم علامه من علامات الجمال هي زراق عيونها..

على بالي أضل اباوع بعيونها وتجيني بنوته مثلها...
والرب اتمنى اخليها بگلبي..
يوم على يوم تزيد حلاوه..

مها .... هاي نهايه الإنتاج معلومات الدراسه ومعلومات الجدات والعجايز كلها طبقتها عليها..

تغذيه صحيه وصحه طفل ومعلومات ام خلود كالت دلكي جسمها بحليبج.. وخلود تكول راح تصير مثل الفنانه صباح (الصبوحه)

تسبح بالحليب وهي بعمر جدتي.. وتبين نفس عمري..

ضحكت كالت سوالف خلود ولاتنمل..

بعدها كالت لازم افصل على شي قديم مااجازف بالقماش غالي..

وخالتي جابت تول قديم الغطا مالت الفراش وهي تشكرت منها وكعدت تفصل واني مركزه وياها..

و أنجيلا أخذت مسك لان كل شوي تمد ايدها على المقص..

اتاخر الوقت وماكملنا..
خالتي حضرت عشا..