في ضريح العشق حمامـــــه......💙🕊

بارت العيد

في ضريج العشق حمامه......🕊💙

وئام الشيخلي ......

‏- ما يخفيه القلــب
يقرأ بـ العيون
- كـ الــورود تمامـاً ...
- قد تخفـي عبيرهــا
لكن جمالهـا يبقى مفضوحـاً

مساء الورد والفل والياسمين ....

ڪل عام وانتم بالف الف الف خير.
ينعاد عليڪم باليمن والبرڪات.
ياربي تتحقق ڪل امانيڪم.

بارت عيديه واذا ماشفت تفاعل ــ ابااااااد بعد ماانطي هدايا.

ـــــــــــــــــــ

شلون الغوالي ــ

اسفه واعتذر منڪم انشغلت وخطار ڪل ايام العيد ومالحگت اڪتب ولا صارلي وقت اتصل بالبنات بس اول يوم العيد عايدتهن.

اغلفه البارت القادم واذا ڪملت ڪتابه انزله اليوم باذن الله.

وهذا الفيديو احسه يمثل حال مخلد للاحداث القادمه.

ـــ ــــــــــــ ـــــــ
مسك ـــ

و كيف لي أن أُخبرك بأني أشتاقُ لك
بين الثانية و نصفها.....

صحيت ؏ صوت يزن وهو ينشد اناشيد الروضه ينشدها بخفه وسرعه ويلبگ ؏ گوله خاله اوس .

وسحب ايدي يريد يڪتب عليها يگول اڪتب ميمه وارسم الها ورده.

سحبت ايدي منه واتغطيت بالشرشف.

اتلمست بايدي امي ماڪو يمي بصفي .

وبيبي تگول عوفها خالتك نايمه.

وهو يلح يگول لاميمه.

حضرته مامعترف بيه خالته.

سحب ايدي مُصر الا يرسم ورده.

يبوووو طير ام النوم من عيني.

مااريد اگعد لاابوي ولا الياس ومرام ولا ميس موجودين ميته من شوڰي الهم.

اتمنى انام ليوم نزولهم للعراق ياله اصحى.

صحت بي واني مغمضه شعدڪم من فجر الله جايين مسوين علينا مداهمه.

صوت انوسه تضحك تگول ولج بالعشره يافجر هذا ست الحسن.

تعال وليدي نرجع دام ابوك بعده بالباب.

هو يگولها ٵنتِ روحي ٵني ابقه يمهم.

فتحت عيوني مغوشات ملزگات البارحه بيبي مسويه خلطه نوا تمر المدينه وڪحل عرب تگول مفيد للعين.

رجعلي وبيده ڪترات ويقسم شعري يسوي ستوتات.

يضحك عليه من العجز ازار الصلاه ملفوف ؏ قميصي.