في ضريح العشق حمامـــــه......💙🕊

البارت الواحد والعشرون

في ضريح العشق حمامه ....

البارت الواحد والعشرون ....

وئام الشيخلي...

ــــــــــــــ

اسعد الله اوقاتڪم حبايب قلبي ♥

بعـضُ المـشاعر لا تُـقـال ..إنّهـا أرقى مـن رسـمِ الـحُـروف وربـطِ الجـُمل

.بـعضُ المـشاعـر إبتـسامـة.. دمـعـة .. نـظـرة .. وربـّما نـبـضـة ..

ــــــــــ

ماما ماما انتي موجوده مارحتي .....

اسم الله......شبيڪ يروح ماما هاي اني موجوده ـــ

عبالي رحتي لبيت جدو اجيت ادورلج ـ

سحبته لحضني وبوسته يعمري انت......

انوسي باقي اباله لان البارحه من صاحي مالاڪيني ...

اذڪرت اني ماموقته ساعه المنبه ويمڪن ماصار ساعه من نمت ....

همزين اجاني انس والا. جان اتاخرت ...

يفتر وياي حضرت محاضراتي وملابسي ..

صحيت انوسه والياس حتى يرحون للروضه ...

وانس يسالني بعد ڪم يوم واروح وياهم ....

والياس يڪول واني بعد شڪد واصير مثل بابا بطل واخلي مسدس بحزامي ....

ياربي شجاوبهم واني اريد. اذڪر شنو اول محاضره عندي ...

ڪعدت ليلى من شافتهم يسالون ضحڪت ـ ڪالت الله يعينج هواي يسالون.......

رديت اي والله اسٵلتهم ولاتخلص ...

انتبهت خالتي ڪاعده بالهول وبيدها المسبحه تسبح . ماحجت شي .. ڪلت احتمال زعلانه عليه ـ لان ڪل يوم من اريد اروح للدوام هي وياي وتوصيني لاتنسين محاضراتج ......

تقربت. يمها اطمان عليها ..

مها ...شلونج امي احسج تعبانه لو زعلانه عليه ...

ام محمد ...لاوالله مقهوره عليج ـ بعدج ضايجه ومغثوثه ...

مها ...الحمدلله على ڪل حال ..

ام محمد ...الله يوفقج ويريح ڪلبج دنيا واخر...

مها ...تسلمين امي ...

بستها وتوجهت لغرفتي اشوف محمد ومسڪ ـ شفته نايم ـ سحبت باب الغرفه وطلعت ....

انس اصر الا يطلع وياي للباب يڪلي بيباي ـ

ڪتله بارده ڪلش اخاف عليڪ تتمرض....

رد لا اريد اشوف تروحين بسياره المدرسه لو بسياره جدو ....

نزلت. لمستواه وبسته فدوه لعقلڪ ...

طلع محمد يباوع النا مبتسم على ڪلام انس ..