في ضريح العشق حمامـــــه......💙🕊

السابع عشر ـــــ الجزء الثاني

في ضريج العشق حمامه .......🕊💙

وئام الشيخلي ........

مســـــاء السعــــــاده ؏ عيونڪم غوالي.

توضيح حبايب ـــ
من بديت بنشر الجزء الثاني الاغلبيه مايجيهم اشعار بالبارت.
فاضطر احول الرابط الهم ؏ الخاص لو اعيد تحديث البارت.
هواي يسٵلون ليش ينعاد البارت.

هذا السبب.
وشي ثاني القصه عليها بلاغات لهذا السبب صارت ماتضهر للمتابعات.

ياريت تعلقون ؏ قدر حبڪم للقصه واصحابها .....

تحياتي الڪم.

ــــــــــــــــــــ

أريقي على ساعديَّ الدموع

و شدِّي على صدريَ المُتعَبِ

فهيهاتَ ألَّا أَجوبَ الظلام

بعيدًا إلى ذلك الغيهبِ

ـــــــ

ليتنا نعود أطفالًا لا نخاف الغياب، ونظن أن من مات مسافرًا.
عندما نرى من نحبهم يرحلوا عنا نتألم، وعندما لا نستطيع البوح عما في قلوبنا نتألم، فماذا إن كان هذا الرحيل أبديًا ما حال هذا الألم.

ڪلمات غيث مثل الصاعقه نزلت عليه وشلت ڪل حواسي.

مو مستوعبه الي يگوله.

بقيت متصنمه بمڪاني وانتظر يگول اني متوهم.

او اني الي سمعت بالخطٵ ومافهمت علي.

گلبي يفور قهر ودموعي متحجره بمحاجر عيوني.

گال ياله هيام ورانا طريق استعجلي.

هيام ـ انتَ متاڪد من الخبر.

مسح دموعه وهز راسه وطلع.

توجهت لغرفتي غيرت ملابسي ولبست صايه سوده .

مضروبه براسي واحس الم قوي باحشائي وي حرڪه الطفل .

وبعدني مو مستوعبه وصوته البارحه بمسمعي.

طلعت للحوش واباوع لحال عمتي دموعها تجري وهي تردد انا لله وانا اليه راجعون.

غيث صاح عليه وينها جنطه الملابس مالتڪم.

ذاك الوڪت انتبهت.

رجعت لغرفتي وغنى اجتي تساعدني حضرنا ملابس الي واحمد واڪثر شي اخذت لياسر وطلعنا.

حالته صعبه بالگوه يسوق والتلفون مابطل يرن ـ

مره هو يتصل عليهم لو همه يتصلون يسٵلون وين وصلتو.

اتصل ليث وعمتي اخذت التلفون تجاوبه ومن سمعت صوته يبجي ومن بين دموعها تسٵله ـ صدگ الخبر يعني؟ ؟؟

الله يعينها مو مستوعبه الخبر. وهو شگد حڪيم يهديها ويطلب منها تتصبر.

يناشغ و يگولها ان شالله حسن الخاتمه اله صلى الفجر وقرا قرﺂن وبدل ملابسه وبقه گاعد وياسر بحضنه يلعب ومعالي يمه ويستعجلنا ياله حتى نوصل من وڪت .