في ضريح العشق حمامـــــه......💙🕊

التاسع والثلاثون/الجزء الثاني

في ضريح العشق حمامه .......🕊💙

وئام الشيخلي ......

مساء السعاده ؏ عيونڪم غوالي.

.........

،،،،،،

إياك والخضوع لضعف عواطفك ، كن قاسياً وصلباً وعوّد ذاتك على الصدمات حتى لا تشعر بالإنكسار فلا شئ يستحق تحطيمك.

هاي الڪلمات ڪانت حڪمتي . ومن تتوازن الڪفه بين عقلي وگلبي ارفع ڪفه عقلي.
واظهر بموقف القويه الما تهزها رياح العواطف العاتيه.

لڪن اليوم وٵني اشوفه دخل لبيتنا بين مجموعه زلم بعضهم لابسين الزي العربي الجنوبي وبعضهم الزي الرسمي وعددهم يمڪن اڪثر من ثلاثين شخص.

ومن شفت امه وعمته ومره ثالثه ما عرفتها.

عرفت هو اجه وجابهم يتقدم. بين افڪاري ليش ما گال اليوم ولا اسيل گالت.

وبين حيرتي ماعندي خبر بجيتهم.

وقبل لا اتٵڪد من اي شي صعدت حتى ابعث رساله. واول مره احس نفسي حالتي يرثى لها.

رجليه خيوط وخطواتي متثاقله صعودي الدرج حتى اوصل غرفتي حسيت صاعده قمه جبل عاليه.
نفسي ضاق وصرت الهث ڪتبتها وترڪت الفون هميت اريد اطلع من الغرفه.

لاڪتني مسوك اول ما طلعت من الغرفه اتوقعت بيبي طلبت منها تصعد.

گالت بابتسامه لا اني صعدت بڪرامتي قبل لابيبي تگول.

ومن سٵلتها عرفتيهم منو؟ ؟؟؟؟

ردت لا بعدهن ما دخلن الصاله بيبي طلعت ترحب بيهن.
گلت مسوك ذولي اهل مخلد وحده من النسوان امه.

تفاجٵت وعيونها مفتوحه بصدمه گالت متٵڪده.؟؟؟؟

رديت اي ٵني شفتها بحفله وسن ومازن بالبصره وسلمت عليها مو گلت الج.

رجعت وياها دخلت الغرفه حالي حالها عليمن انزل واني متٵڪده راح يبين عليه.

ومسك بعدها مصدومه ليش اجو اهل مخلد؟ ؟؟

وفهمت اڪيد بعد مااسيل اتصلت عليه وعاتبتها مو الصبح اني وياج بالجامعه ليش ما گلتي. ؟؟؟

گالت اسيل ردت اگول واترددت ومن حسيتج ضايجه ؏ توديع صديقاتج. گلت خليها من يجيوهم العصر هي تعرف.

مااعرف شنو اوصف حالي. ومسك رغم عرفت ليش جايين ولمنو ما علقت بڪلمه.

؏ گوله اوس نسبه الفضول عدها صفر.

وفعلا ڪلامه گالت تدرين تمنيت اشوفها امهم بس ربج ما ڪاتبها. الحمدلله ؏ ڪل حال.

اريد اشوف مثل ماتوصفها هيوم ومثل ماٵني راسمه الها صوره بخيالي.

سٵلتها شنو الصوره الراسمتها؟ ؟؟

گالت مو صوره متڪامله بس احسها قويه وعيونها حزينه مثل عيونهم.