في ضريح العشق حمامـــــه......💙🕊

البارت العشرون

#في ضࢪيح العشق حمامة..

البارت العشرون ..

وئام الشيخلي....

اسعد الله اوقاتڪم احباب الروح ♥

كم نحتاج لتلك الذكريات حينما تأتي من بعيد، بعد وقت طويل من يذكرنا بها، ويسترجعها معنا ومن يرمز إليها، ومن يقول لنا اطمئن فلست وحدك الباقي على الوِّد، ولست وحدك من يتذكراللحظات الجميلة والمواقف الجميلة ويحن إليها ويتمنى إسترجاعها معك.

ــــــــــــ

تزاحمت الافڪار عندي فڪره تاخذني واخرى ترجعني بين حنيني واشتياقي اله ـ وبين نوبه جنوني واني احس هو المذنب ـ

وي احساسي هو المذنب ڪلبي يوجعني علي...

واڪول معقوله محمد عجز يلڪه وسيلة اليتعامل بيها وي اخو ويدفع الاذى عن نفسه ـ ليش اتحمل منه انواع الاذى وڪل هاي الاشهر هو يعاني ويعاني ...

بالوقت الي اشوفه دايم واكف وي اصدقائه بحل مشاڪلهم ويستشارونه باغلب امورهم ...عندة حڪمه بحل الامور واسلوبه بالاقناع عجيب...

زين ليش مشڪلته عجز عن حلها ـ وشنو الي خله اخو يتمادى لهاي الدرجه ...

ومن اتذڪر الصور و منضرهن والرسايل وبشاعه الڪلام المڪتوب بيهن ...

غمضت عيوني بقوه ومااجه ابالي غير
قول الله سبحانه وتعالى ـ ؏ لسان مريم العذراء (ياليتني مت قبل هذا وكنت نسيا منسيا) ....

بس رب العالمين يعلم بعذابي والم قلبي بهاي الساعه ـ

ڪل اساليب. موفق تدل ؏ـلى حقد واجرام الا الطعن بالعرض وفبرڪه الرسائل باحترافيه ـ ويعرف حتى وقت نزول محمد والتحاقه ...

و؏ـلى اساس هالشي مرتب الرسائل والمواعيد ـ

ڪلبي يتڪطع واني قسم بربي لحد الان. من محمد استحي ومن مرات يتشاقه وياي ويڪلي حبي اضعاف حبج واني تعديت ڪل المراحل الحب ـ وانتي بعدج باول مرحله....

يڪون ردي هاي الست سنوات انت قضيت اشهر خارج البيت وايام قليله بالبيت.....

بالايام الجايه اثبتلڪ ـ وڪل مره يڪلي شوڪت.؟؟؟؟؟

وارد بمزح شدعوه هلڪد صبور ـ اشڪ يرجع نسبڪم للنبي ايوب عليه السلام ....لان النبي ايوب عليه السلام ضرب اروع امثله في الصبر....

واڪوله رغم هذا انت متيقن ومتاڪد اني واصله لمرحله العشق ......

اباوع لابوي المتوجه للقبله يصلي بخشوع ـ

سحب شوي من وجعي ـ وبعدها ڪال استعجلتي بالحڪم ؏ محمد ارتاحي بين ما اصلي قيام الليل وارجع احجي وياج ....

منتظرته وعيني تباوع بالفراغ واتذڪر محمد و حسراته وهو يتذڪر الصار وياه ويڪلي اذا تحبيني لاتسالين عن هذا الموضوع ـ