في ضريح العشق حمامـــــه......💙🕊

البارت التاسع

في ضريح العشق حمامة...
البارت التاسع....
وئام الشيخلي...

اسعد الله أوقاتكم أحبتي بكل خير...

،،،،،،،،،،،،،،،،،،،،،،،،،،،،،،،،،،،

أجمل وأروع هندسة في العالم أن تبني جسراً من الأمل على نهر من اليأس.

،،،،،،،،،،،،،،،،،،،،،،،،،،،،،،،،،،،،،،،،،،،،،

العراق بلد خير.. ورغم كل الضروف المر بيها.. كدر يلملم أجزاء من شتاته..
وهل علينا شهر الخير شهر رمضان المبارك.بيوم الأحد . 17/3/1991 م..
1/9/1411ه...

ايام صعبه مرت على كل العراقيين بهذا الشهر الفضيل..
اكثر الناس عانت من نقص المواد الغذائية الأساسية.. وناس عانت من الجوع بمعنى الكلمه..

وحتى المواد الغذائية الموجوده بالأسواق يسمهوها بالسوق التجاري أو الأسواق السوداء.. غاليه جدا ومو كل مواطن يكدر يشتري ويسد النقص من احتياجه..

حصار وجوع بمعنى الكلمه..

الطحين الاخذناه ع مفردات البطاقه التموينيه بهذا الشهر لونه اصفر يشبه الكاسترد.. وكان طحين ذره.. وبس امهاتنا ياله يعرفن يخبزنه .. وأغلب الناس أكلت طحين شعير واحنا من ضمنهمم..

الحلويات الموجوده كلها صنع محلي مصنوعه من التمر..

وبدت بهاي الفتره تدخل منتجات ايرانيه وأغلبها مواد غذائية وحلويات.. أسعارها شويه غاليه.. بس طيبه كلش،.

محمد كلش تعبان رغم اتشافه من الاصابه.. بس معدته متاذيه واكله كلش قليل....

وماشاالله بعده بغموضه وكتمانه... يشوف الموت ومايسولف لا الي ولا لخالتي عن أي شي هو متاذي منه..

بس فهمت من أسعد برغم إصابته هم ماشين يوم كامل ومن يتخربط ويتعب لو يشيلونه لو يستراحون.. والي ناقذينه ولد صديقه ضابط من العماره وجندي من كربلاء...
وكايل هذا حال اللآف من العساكر بطريق الموت مشو مئات الكيلومترات...

بيومها متتتت قهر شوكت يرتاحون شبابنا....

ورغم تعبان اكثر الوكت يم إلياس لان حالته كلش صعبه فقد زوجته وابنه... ويكول عنه كلش تعبان وأصدقائه اقترحو علي يتزوج...

وبيوم العصر أبويه جايب النا بسيارته البيكب أهل قبل يسمونها فلاحيه.. لأن أكثر شي يستخدمونه الفلاحين بنقل الحاصل الزراعي... جاب حطب من البستان....

. مكسره كله قطع صغار.. وكاعدين اني وخالتي. نرتبه بصف تنور الطين وبصف التنور هم سوت خالتي موقد من الطين تشوي بي...

ونحضر الفطور على النار. والسحور نسوي على طباخ نفطي (جوله).. لأن ازمه صارت دبه الغاز حسره ......

خليت مسك يم ابوها ماشالله تجننننننن صايره.. عمرها مامكمل ٣اشهر.. مدنفشه وتناغيله......