في ضريح العشق حمامـــــه......💙🕊

الخامس والثلاثون

#في ضريح العشق حمامة .....

الخامس والثلاثون .....

وئــام الشيخلـــــــي......

ماذا لو أخبرتك بأنني في هذه اللحظه منشغل بالتفكير بك،وأحبك أكثر مما أبديت لك من حب مساء الحب والاحساس والاحترام لكم.♥♥♥

ـــــــــــــ

ماحسيت الا الدنيا ليل فتحت عيوني بتعب ــ اني بحديقتنا ــ

بيبي ثريه لازمه ايدي باستني وتڪول من عمري على عمرج ــ

دموعي نزلت بدون صوت ونغزه بڪلبي

اذڪرت ولي امري الي ماشفته من تسع سنوات ــ

جايب امه وزوجته المراهقات هذا ابسط وصف ـ

اذڪرها هاي الڪلمه باخر مره دخلت بييتهم وعمي ماهر تعارك وياهن يڪولهن انتن خزي وعار ـ

الڪل يكول عنجن مراهقات شوڪت تخلص مرحله المراهقه ولو مااضن تخلص عتبي على ابوي الاخذج وماعرف يختار مره وبنت اوادم ــ

بوقتها سالت باجي المها شنو مراهقة
و شرحته الي شرح حلوـ

ومن وصلت اني لهاي المرحله هي احتوتني ووجهتني بطريقه تخليج تحبين نفسج وتزيد ثقتج بيها ـ وتڪسبين احترام المقابل ـ

دوخه قويه واجاني صوتها حبوبه ڪافي دموع اخذت حقج مربع وداعه ابو الحسن وداعه عباس ــ

رفعت راسي اريد اشوفها ڪبالي سندتي وسن وامي ـ

وسن ڪالت ابوي ڪال من تڪعد ڪوليلي ــ

صاحن بيها عيب يمه زلم ــ اسمع هوسه اصواتهم بثيل بيت جدي ــ

اسمع صوته قوي وهو يڪول مااطلع ابن عبدلله العلي اذا ماخليته يعفن بالسجن ـ

ويڪولوله خلي يعيش انتي شبقيت بي ــ

ويردهم عار مايموت ــ

وصارت هوسه اصوات ......

ماوڪفت لحيلي مابيه حيل رحت احبي مثل الطفل وارتميت بحضنها اي انتي ابدالها ـ

حضنتها وبجيت على صدرها اووووف يريحتها اموووت عليها بجيت بقهر حسره بصدري ـ

وهي تمسح بدموعي بفوطتها وتڪولي

دموعج ياليتيمه حرڪنها ان شالله ــ

اريد الحسره تطلع من صدري تجرح بيه

ڪان عندي استعداد املخهم ابيدي ليش امي سحبتني منهم ــ