في ضريح العشق حمامـــــه......💙🕊

الثامن والثلاثون ــ الجزء الثاني

في ضريح العشق حمامه........🕊💙

وئام الشيخلي.........

سلاماً على من لفت انتباه

القلب فاستدارت له الروح

سلاما من القلب والروح لڪم احبتي مساء الورد والسعاده.

.............

شلون الغوالي.

مشهد من البارت القادم.

تحيه للبصره ولكل محافظات العراق شلع قلع والف تحيه لكل البلدان اللي اتابع القصه.

من وين اتابعين اثبتي وجودج باسم مدينتج 

ـــــــــــــــــــــــــــــــ

ميس ــــ

قاتل المرء مقتول بفعلته..
وقاتل الروح لاتدري به البشر....

الطريق طويل ومتعب واني بهاي حالتي ونار اللي بيه حسيته ما يقبل يخلص..

مو ست ساعات صار ست ايام. وقبل لا ندخل لبغداد اتصل بينا انس اكثر من مره يسأل وين وصلتو؟؟؟

حسيت عنده خبر يريد يگوله وصوت ام عادل يمه هي اللي تسأله وين وصلوا ..

بعد ما سدو الخط ابويه يسأل امي اللي اختاريته لام عادل من سوگ العشار نفس اللي جبتيه لأمي ...

ردت اي اڪيد.

رجع سألها نفسه بالضبط ردت اكيد ما يحتاج توصيني.

تشكر من امي وبدأ يحجي الكلام على لسان كرار..
يگول بالفترة اللي راحت يمهم ام عادل ماعدهم سيره الا محمد والمها واولادهم تنادي سيف وسمير بــ اسم اوس وانس وماتذكر واحد منڪم الا تگول عيني وماي عيني.

لعد شبيهم ولد عادل ما بيوم حنوا عليه وگالوا جدتنا.

گايله معاملة بيت محمد الي احسن مما يعاملون ام محمد ما يوم حسسوني ان ابني هو سبب اذيتهم وتعبهم.

ولا يوم تثقالو من خدمتي يداروني بمرضي وشايليني من الگاع يتسابقون بخدمتي من محمد لاصغر نفر بيهم جماره الگلب من تدلك رجليه تسحب ڪل وجع بيهن.

وجيتي هنا لبيت ابو كرار على اعصابهم..

امي گالت ـ تستحق اڪثر كلشي الإنسان يسوي خلي يحسبه لوجه الله..
ام عادل من يوم شفتها وشگد وصفتها خالتي هي انسانة فقيرة ومن أهل الله اني شفتها بعد اكثر.

بحياتي ما شايفه انسانه طيبه نفس وهادئة طباع مثلها وربي يجازي كل إنسان بعمله..
وخدمتي الها اني و اولادي حبا بيها و بدون منه وربي يقدرني لاخر يوم بحياتي اخدمها بعيوني.