في ضريح العشق حمامـــــه......💙🕊

البارت العاشر

في ضريح العشق حمامة،،،

البارت العاشر،،،

وئام الشيخلي،،،

مسائكم سعادة وراحة البال،،،،

،،،،،،،،،،،،،

تكمن السعادة بكلِّ شيء صغير قادر على أن يهزَّنا من الداخل، وأن يمدَّنا بكامل القوَّة، تلك القوَّة في الحياة، فأحيانَا قد يُسعد الفرد بأشياء لا قيمة لها عند غيره، ولكنَّه يشعر بأنَّه ملك الدنيا بوجودها، وذلك لأنَّ السعادة في حقيقتها تتجوهر بالقناعة والرضا، إذ أنَّ الرضا هو الذي يحقق سعادة الحياة، والشعور بالطمأنينة بها، فمن كان يريد أن يحصل على كل شيء في الحياة، فإنَّه بذلك لن يحصل على شيء، لأنَّ الأنانية لا تخلق السعادة، بل هي تزيد من طمع صاحبها دون أي سعادة تُذكر.

،،،،،،،،،،،،،

صباح يوم جديد مليان حيويه وتفاوءل..
لبست تنور سوده وقميص ابيض وبي نقاط كلش صغار لونها اسود وردنه ثلث أرباع.. لأن صار أشهر من تحجبت..

بعدني على ملابسي قبل لااتحجب..
بوست أطفالي. وسلمت على خالتي..
وطلعت مامصدكه رجع الدوام..

محمد طلع من الفجر راح على خاله محمود عدهم بضاعه لمحلات الجمله ولازم يجردها.. وهو حاليا دوامه داخل بغداد.. يكولون إلى أن يستتب الأمن ويرجع دوامهم بالمحافظات...

وكفت بالحديقه انتضر واحد من اخواني يوصلنا لان بعد مامتفقين وي ابو الخط..
سمعت هورن السياره ماصدكت اجه سامي.. طلعت شاركه حلكي.. عبالك طفله بأول ابتدائي ومامصدكه تشوف المدرسه..

صبحت علي.. وردلي تحيه الصباح وابتسامته الحلوه على وجهه الحلو.. ياربي شلون نعمه حلوه رب العزه أنعم عليه بيها..

اتوجهت افتح باب السياره الورا السايق..
وسامي صاح بيه تعالي يمي مو نمر لصديقاتج..

رديت اي فدوه مو اريد اكعد يمهن مشتاقه الهن...
ابتسم.. ومد ايده للباب فتح قفله وصعدت.

أخذنا ريتا وبعدها مرينا لخلود..
سوت حركه عود تكول الحمدلله..
كالت تدرون هسه قبل لااصعد هم نذرت نذر..

سالنها شنو...

كالت خفت لااخوج المعقد يوصلنا ولازم اخذ لحظات صمت إلى أن اوصل الجامعه..

تقصد على نجم...
رديتها عابتلج والله مو معقد شخصيه مثل أبويه..

خلود.. فدوه لعينج وين اكو مثل ابوج..

ريتا.. خلود شنو نذرتي...

خلود.. لاتفرحن زايد.. نذرت اكل لفه فلافل بالنادي..

سوت حركه ثانيه عود دتسمع شي..

كالت سمعو هاي فيروز عايشه.وتغني . وإني ميته قهر كلت وكع على بيتهم صاروخ وماتت..