في ضريح العشق حمامـــــه......💙🕊

الثامن والثلاثون

#في ضريح العشق حمامة.....

الثامن والثلاثون .......

وئام الشيخلي.......

مساء الحب للذين ينشرون الجمال​ ​في هذا العالم الذين يصنعون أكاليل الورد​ ​حول قلوبنا ​الذين ينشرون الحب والود​ ​والسلام لمن حولهم.

♥♥♥♥

قسماً بمن خلق الجمال وإنه قسم عظيم لن أقول لماذا؟ ما استحسنت عيني سواك ولم أجد أحداً يفوق جمالك الأخاذا♥♥

ـــــــــــــ

واضح على محمد التعب ڪلش. حاوطوه ڪلهم فرحانين. ومسك اخذت البيريه لبستها براسها وتباوعله تسوي حرڪات افلام ڪارتون ساندي بيل
تسٵلة حلوه ـ

ضحك واخذها لحضنه بدون ماينطق مبين مابي حيل حتى للڪلام .

فدوه لعينها ذڪيه تحاول تغيرلة جو.

ترجع تلبسها اله .

وتڪوله منو احلى ـ

يڪولها انتي ــ

وترد والرب انت احلى ..

يضحك على سوالفها ـ

حضرت اڪل مااڪل ڪال راسي يوجعني بس براسيتول انطيني ــ

شبعت قهر علي شوڪت ترتاح ـ

ذاك الليل حاله مثل السمجه المزوهره ـ

حاولت اهون علي يڪول ارتاحي المها وعوفيني ـ

متاڪد شي يخص موفق ــ صار وي عمري لاالله اخذه وخلصني ولا اني خلصت وارتاحيت يجر حسرات تڪطع نياط الڪلب ـ

بڪل وسيله حاولت يهدا من ثوره البراڪين البداخله حتى نفسه صار بصعوبه ـاحتضنت راسه واقرا السبع المنجيات ـ

واذڪار ـ

حسيت بدا يغفة ڪلبي وجعني من القهر ..

بقيت راسه على ڪتفي ماادري شوڪت نمت ـ
حسيت بي ڪعد لازم راسه ـ

صبحت علي ردت بتعب وعيونه ذبلانه ــ

شڪد يبين بي القهر حتى عيونه بصعوبه يفتحهن ـ

وشڪد حلوات من يكون فرحان بيهن لمعه عجيبه ـ

توجهت للمطبخ سويت نعناع ـ رجعت ماموجود بالغرفه ـ

دخل متوضي يريد يصلي ـ من ڪمل صلاته ـ

نطيت النعناع شربه بالڪوه ـ
اخذ المصحف يقرا ـ

رجعت للمطبخ احضر ريوك ـ

ميس وانوسه ڪدامي يحضرن ـ

والياس اجه يسالني شلون صار بابا ــ

رديت زين ــ

سالني ڪاعد لو لا اريد اشوفه ـ

رديته ڪاعد روح شوفه ـ