في ضريح العشق حمامـــــه......💙🕊

البارت السابع

في ضريح العشق حمامة...

البارت السابع...

وئام الشيخلي...

و للروح روح تسكن روحها
و للقلب قلب يعيش فيه
لا تجهر الأرواح بوجعها
و لا القلب يدعك ترى ما فيه
حزن الروح يخفيه صمتها
و حزن القلب له صدر يحتويه

،،،،،،،،،،، _____،،،،،،،،،،، ____،،،،،،،،،،،، ___

ماادري ليش كل واحد منا من يفرح يخلي ايده ع كلبه ويتمنى فرحته تعدي على خير.. لو من يضحك..يكول ربي ضحكه خير ولاتحزنا بعدها.......

وهذا حالي اليوم كعدت ع صوت أذان الفجر وأصوات اهلي كاعدين علمود الصلاه ابوي والولد يصلون بالجامع.....

حاولت أسند روحي حتى اكعد على حيلي. واحس روحي بصحه الحمدلله ونفسيتي مرتاحه..وكلبي نغزني شنو بعد هالراحه.......

و اتذكرت كلام أبويه تفائلو بالخير تجدوه..
خليت ايدي ع مكان العمليه.. وايد الثانيه ع السرير أسند نفسي..

انتبهت لنجله وبحضنها البنيه بسرعه شالتها بمكانها.. واجت تسندني..

نجله.. شلونج اليوم أن شالله احسن..
مها.. الحمدلله والشكر.. حيل زينه.. شنو مانمتي مو بالله..

لا يمعوده شلون مانمت.. اصلا بنوتج شربت ممه قبل ماانام ونمت وهاي الثانيه..

ماشالله هي هم اليوم زينه....

وراحت نجله صلت وقرت قرآن....

واني غسلت واتوضيت رغم نفسا بس احب اتوضا....

ورجعت تمددت بمكاني واسبح بأصابع ايدي بتسبيحات وأذكار... وعيوني تباوع لنجله وهي حضرت كتب هيام وتتاكد من جدول الدروس اليومي.. وصدريه المدرسه...

وصحتها من نومها... وهي تفتح عين وتسد عين..

ونجله تهمس الها يالله ماما تتاخرين مو كلتي الصبح اراجع دروسي....

ردتها اي ماما.. وسحبت كتاب ولزمته بالمكلوبي.. وتحرك شفايفها عود تقرأ.....

ونجله راحت تحضر ريوك واسمعها ترد اي كاعده واليوم الحمدلله هي وبنتها تمام.....

اجاني أبويه يتطمن عليه.. ومن شافني زينه..صار يردد الحمدلله والشكر ع نعم الله..

سولفنا اني وياه شويه.. وبعدها طلع من جيبه مبلغ فلوس..

وإني قسمت يمين عندي ومامحتاجه.. وبداخلي اكول لو محمد يدري يتخبل.. وابوي أصر عليه وكال مو الج. هاي هديه بينتج من جدها.....

و وصاني أدير بالي ع نفسي وكال اتريك واروح للطارميه للبستان مااتاخر ساعتين وارجع.....

توقيت الشتا الساعه تقرب تصير السبعه.. وبعده الجو بي ظلام شوي... والكل تقريبا كعدو ماعدا... قوات الرد السريع؛ (أطفالي).....