في ضريح العشق حمامـــــه......💙🕊

البارت السادس

بارت طويل  لعيونكم  الحلوه....

اكثر من  (7000)كلمة...

#في ضريح العشق حمامه. ،،،

وئام الشيخلي...،،

اسعد الله أوقاتكم حبايب قلبي... ❤️

يرسل الله لك هدايا ونعمة عظيمة تكون على هيئة أشخاص يخرجون أفضل ما فيك....

يمضي الوقت معهم دون ملل أو لحظة ضجر...

حتى الصمت معهم يغدو بجمال لا يوصف...

أشخاص تكون على طبيعتك. حقيقتك بكل ما فيك من فرح و وجع .
ف اللهم أدم وصلهم. حبهم. قربهم. كلهم يارب....

،،،،،،،،،،،،،،،، _______،،،،،،،،،،،،، ____،،،،،،،،،

بارت تعويض واعتذار عن الحزن بالبارت السابق... إذا عجبكم لاتنسو التصويت....

تنويه....

أقرو فقرات القصه بتركيز..

الأحداث مترابطه بالي بعدها...

ورجعت الكم فلاش باك.. للي طلبن يعرفن محمد شلون تعرف على مها...

قراءة ممتعه......... ///////

مها.... مرات الله سبحان وتعالى ينطينا نعم.. وبعض الناس كلما زادت عليهم النعم اتمنىوا أكثر.. وطلبو أكثر. لدرجه يوصل بيهم الحد مايحسون بنعم الباري عزوجل....

من صغري واني احمد رب العالمين كل يوم على أبويه اجمل نعمه الله انعمها عليه بعد نعمة الاسلام... اشلون اوصفه أعجز.. مايوصفه كلام.....

إذا اكول هو الرجل الوحيد في العالم الذي يأخذ من نفسه ليعطيك، قد لا يكون اعطاك كل ما تتمناه لكن تأكد انه اعطاك كل ما يملك.. وهم ماوفيت حقه بكلامي هذا.....

واذا اكول هو ذاك الذي تطلب منه نجمتين فيعود حاملا السماء..
وأحس بروحي هم قصرت.....

هو اب وصديق الي ولاخواني.حكمته شي فوك الخيال . شكد امي حنونه وطيبه وبيها من الصفات مثل كل ام عراقيه ضحت وعانت وربت وتعبت وسهرت... لكن هي قطره في بحر من والدي... ...

كل ايجابيه بحياتي هو السبب بيها.. غرس بينا حب الخير والايثار والمسامحه مع عزه النفس....

مااذكر بيوم نمت واني اتمنى أكثر من النعم العندي وأول نعمه اشكر الله لحد يومي هذا هو ....

وليلتي البارحه تشهد...

شكد ادعيت النوم وحاولت امثل اني نايمه واسمعه يجود بالقرآن بصوته الحنون...

وصلت بيه اتمنى اكوله كافي تعبت انت.. وأسمع الولد ونجله يكولون احنا يمها وهو يرفض ويطمنهم هو زين ومابي شي.. ويرجع يقرأ عليه القرآن لحد اخر شي احس بي قبل لايغلبني النعاس وهو يقرأ..