في ضريح العشق حمامـــــه......💙🕊

الخامس والاربعون

#في ضريح العشق حمامه .....

الخامس والاربعون ......

وئام الشيخليـــــ ....

مساء الورد والياسمين ؏ ؏ـيونڪم ﻍـوالـــــي القـ♥لـــب........

وما الحرب إلا ما علمتم وذقتم .. وما هو عنها بالحديث المرجم ، متى تبعثوها تبعثوها ذميمة .. وتضرى إذا ضربتموها فتضرم. -
زهير بن أبي سلمى

ــــــــــ

ايام والترقب والخوف والتوقع بوقوع حرب ــ

17 اذار 2003

اعلن سفير بريطانيا بالامم المتحده بان السبل الدبلوماسيه للتفاوض مع العراق انتهت ـ
وتم انسحاب ڪل المفتشين الدولين للامم المتحده من العراق ـ
وحڪومه امريڪا تمهل الحڪومه العرقيه يومين لمغادره العراق او مواجهه الحرب ـ

وبتاريخ 20 اذار بدٵت امريڪا بقصف مواقع من بغداد تعلن بدايه الحرب ؏ العراق ــ
ايام صعبه خوف ورعب وترقب ــ

الفرق بينها وبين حرب الخليج ماڪو جوع ــ

مفردات البطاقه التموينه ڪانت تڪفي وزياده ـ
هاي غير احنا استلمنه حصص متراڪمه
مالت اشهر مقدمه لان الحڪومه خافت من قصف مخازن المواد الغدائيه ــ

بحيث وڪيله المواد الغذائيه صارت تجي تدك الباب تعالو استلمو الحصه ..

ڪل خوفنا ؏ محمد وموقعه خطر لابعد الحدود ..

مرت يومين وثلاثه والقصف مستمر ـ

وبدت العوائل تتوجه للمدن الامنه ــ

اجو خوال محمد طلبو منا نروح وياهم لقرى ديالى ـ

وخالتي رفضت شڰد حاولو يقنعوها وهي تگول گلبي يم محمد ـ

ومحمد اتصل بينا وگال اي روحو وياهم ٵامن هناك وبعيده عن القصف ـ

عيوني عمت من البجي وگلبي يوجعني من الخوف ـ
ابويه اجاني يهدي بيه ويردد ـــ قل لنا يُصيبنا الا ماڪتب الله لنا ــ

امي وخالي وعمتي واخواني ڪلهم يمي ـ
واشوف بعيونهم الخوف ؏ محمد ـ

بس يقنعوني ماڪو شي لتخافين ادعيله

قوي نفسج اولادج يباوعون عليج ـ

لملمت ڪم حاجه وعمتي تساعدني ـ

البنات حضرو ملابسهم ـ

والياس يگول مانطلع ننتظر ابويه وشگد متاذي ويخاف ؏ ابو ـ

بالگوه جده وخواله قنعو يمشي ويانه ـ

وانوسه تسالني ناخذ الڪتب مالتنا ويانه ـ
ڪملت ونطيت لاهلي الفلوس ؏ اساس متفقين وي مقاول نڪمل بناء الطابق الثاني ـ

خال محمد ينتظزنه وابوي ونجم حتى يوصلونه ـ
ملابسي ماشلت منهم ـ

شلت ملابس خالتي الي والها ـ لخاطر محمد ـ راح البس من ملابس امه ـ