في ضريح العشق حمامـــــه......💙🕊

البارت السابع + مشاهد مستقبليه.

في ضريح العشق حمامه ......💙🕊

البارت السابع ....

وئام الشيخلـــــي ......

مساء المحبه ؏ـلى عيون الاحـــ♥ـــبه ..

ــــــــــــ

في القلوب حكايات لن تصل إليها الأقلام.......
وستظل طي الكتمان.......
نسترجعها و نتناول تفاصيلها عن طريق الحنين......
تتسلل لخواطرنا بين تنهيدة و غصة....أو بين دمعة و بسمة.....
بين ذكرى جميلة أو خاطرة مرة.....أو قصة مبتورة الفصول.....
ثم نمضي وتمضي بنا الحياة....

ــــــــــــــــ

الاسود لا يقترن بلون الليل فقط ولا بالظلام
بل هناك بشر يتبرأ الدم الاحمر منهم ويحل الاسود محله قلوب مليئة بالحقد الاسود والضغينه ....

هذا الحقد طالنا بمصائب كثيرة ــ
اه وكم من اه كتمنا وكم من اه صرخناا
دموعناا تحفر خطوطها على وجوهنا
لكن لا يدوم الظلم يوما...

بعد ايام من الحزن والقهر والفقدان والالم ـ

صحينا من نومنا مفزوعين ؏ـلى اصوات ضرب ؏ـلى الباب. حسيت اقتلعوا الباب ومستمرين بعدهم بالضرب.

يا ترا منو اليطرق الباب بهذه الوحشيه ومايحسب حساب اذا ڪان بالبيت شخص مريض او ڪبير السن لو طفل.

استغفرت ودعيت ربي يحفظنه وي امه الاسلام.

محمد نهض باستعجال وطلع من الغرفه.

واني اخذت شالي الاسود لبسته اريد اتبعه واسمع اصوات غريبه.

طليت من شباك الصاله ــ ياربي سترك.

البيت مليان عساڪر مسلحين بانواع الاسلحه.
والباب مخلوع ومرمي ؏ـلى جانب.

صوت صرخه مسك تسٵل عن ابوها خايفه مرعوبه.

نزلو من غرفهم.

اخذها الياس لحضنه وانس يهديها يگولها ماڪو شي. توجهت اخذتها لحضني حبيبتي ماڪو شي ـ

وهي تگولي وابويه وينه؟ ؟؟؟؟؟؟؟

اوس نزل اخر واحد والنعاس بعيونه يستفهم شصاير.

خالتي لطمت صدرها.خايفه ؏ـلى محمد.

وام عادل تكول اويلي ؏ـلى حضك ابو الياس. من وحده لوحده.

عمي صاح بيهن يسڪتهن ويطلب منهن مايتفائلن بالشر.

وطلع يريد يفهم شنو اليدور بينهم وبين محمد ـ

لان الضاهر محمد يتناقش او بالاحرى يتعارك وياهم معارض يدخلون للبيت.

استغفرالله ربي وبعد شنو نشوف بهاي السنه ـ
واني البارحه اصبر محمد من شفت سجل الحسابات وهو يشتغل بي ـ مثبت اليوم والتاريخ والسنه ڪاتب عليها عام الحزن.
حبيت اواسي واخفف عنه الحزن الشايله.
ما رد عليه غير بحسرات گطعت نفسه وصار يستنشق بقوه.