في ضريح العشق حمامـــــه......💙🕊

الخمسون

في ضريح العشق حمامة🕊 .....

وئام الشيخلــــي .......

مساء المحــــــ♥ـــبة ؏ عيون الاحبـ♥ــــة .......

اسمعو الفيديو 👍👍

‏‎‎لم أكن أناديكِ، لقد كُنتُ أتذوق طعم أسمكِ، من على شفتايّ فقط❤❤.

ــــــــــــــــــــــــــــ

تعديييييييييييل ـــــ. تم تعديل قفله البارت ـــــ

المها ــــ
ــــــــــــــــــ

ولـك فـي القلـب نبـض
يكـاد يفقـدنـي عقلـي
وكيـف لا وأنـت كـالـروح تسكننـي.....

ڪل يوم اشوف بمحمد صفه جديدة غير عن صفاتة الاعشقها ـ

بالوڪت الي قررو موعد عقد وحنه وعرس انوسه ..

واني بالگوه اڪتم دموعي واني اشوف يجهزون الها والتحضيرات ـ وحاسه بيها

شلون تباوع لابوها واخوانها وخاصه الياس المعتنيه هي بادق تفاصيله .

خالتي وام لجين ڪلش فرحانات الها ـ
ومن البدايه مٵيدات زواجها بهذا العمر ـ
خايفات من مشاڪل عمامها ...

ومحمد صار يقنعني ماابجي وهي وين رايحه همه اهلها واڪثر ..

يگول صح ڪلام ارشد ـ زواجنا بوضع مختلف ..

وقارني انتي ـ العسڪريه بعدتني عنڪم.

وغدر اهلي تعبني وخلق مني انسان قاسي ومڪسور وغيرهاا ..

في حين حسام هسه طالب جامعه وڪل يوم هو موجود ـ
وهاي غير اهله وحنيتهم ..

وانتي ڪلتي ام محمد من اهم اسباب نجاح حياتي ـ
وانوسه راح تلگة ڪم ام محمد ابيت اهلج ـ
ڪلهن خيرات وحنينات عليها ...

وهواي ڪلام خلاني اتصبر واڪتم دموعي ـ
رغم مو بيدي مجرد اتخيل تطلع من البيت بهذا العمر ـ ينعاد شريط ايامي والمريت بي واي ڪلام مايهديني ...

لاحظت ؏ محمد شڪد متٵذي بداخله عليها. بس ؏ ڪلامة مستحيل يرد طلب ارشد لو يطلب روحه ..

واڪتشفت هو يفرغ البداخله ابڪاء بعيد عن انظارنا ـ
وحسيت بي اڪثر من مره من يتسحب من بينا ويصعد لسطح وينزل عيونه دم ..

ومسك تشاورني تڪول والله سمعته يبجي ـ

وبيوم العرس ڪل الصار متوقعته وخاصه انوسه اتوقعتها راح تبجي وترفض تطلع من البيت رغم فرحتها...

رحت وياها للعرس ولاحظت فرحتهم باحفادهم ـ

ڪل اعراس اخواني اني شاهدتها ودايم نذڪر عرس ابو الحسن ڪان حلو ـ

عرس حسام صار بعد اجمل وفرحتهم ماتنوصف ــ

خالتي وام لجين رجعن من وڪت لان ابو لجين جاي عليها ياخذها ..