في ضريح العشق حمامـــــه......💙🕊

البارت الثالث.

في ضريح العشق حمامة،،،
البارت الثالث،،،

وئام الشيخلي..

مساء الورد والياسمين ع عيونكم غوالي،،،

💢💢💢💢💢💢💢💢💢💢💢

ما أجمل الضحكات حين تكون مع من نحب فهي لحظات سريعة مهما طالت بها الساعات......

،،،،،،،،،،،،
حسيت ع روحي بس عيوني مغوشه ومااكدر افتحهن واكو ألم ابطني... اكول وي نفسي معناها بعدني ماولدت..

لهناك وأسمع صوت امي وخالتي تكولها عمتها عنيده...

احاول اركز بكلامهن زين شبيها عمتي عنيده.. وبعدين عمتي عنيده بدبي شجابها بالموضوع..

وصارت الأصوات بعيده واحسن بروحي كاعده بمرجوحه دخت كلش. والمرجوحه تروح وترجع زادت عندي الدوخه وبديت افقد توازني..

حاولت اتمسك بطرف المرجوحه بأيدي..وصارت ايدي تتلمس حتى توصل لطرف وتتمسك بي حسيت جكه قويه واتحرك جسمي كله فزيت.. وأسمع واحد صاح الكانولااااا ..

حسيت ايدي انسحبت ع كيف ووحده تكول يمكن بدت تصحى.

ويرد عليها المفروض من زمان صاحيه..
ورجع الغواش ع عيوني والدوخه والأصوات راحت ومااسمع شي..

حسيت على روحي اهذي بكلمات ماافهمها ولااسمعها بس حسيت بيها..

وأجاني الصوت يكول شنو جابت ولد وحتسمي محمد؟؟؟

والا ليش تصيح محمد...

هنا حسيت روحي بمصعد سريع واضويه قويه كلش.. والألم ينهش باحشتائي...

يرجع الصوت يجيني هوسه وكأنه مشاده كلامية...

جرعة البنج وكلام وهوسه..

انضربت على خدي حسيت انشل وجهي..
و شفتي انشكت..

من قوه الضربه حاولت بكل حيلي اركز وافتح عيوني حتى لاتتكرر الضربه...

بس الضاهر مابقى عندي اي حيل...

وهناك وأسمع الدكتوره تكول هي عرمه دكت الا العمليه.. واصلا شلون نعرف صدرها ملتهب..

وبعدين وقعو على مسؤوليتهم مشكلتها.

يطبها مرض .

تلكوها هي دكت رجل الاتزوج..

وينه زوجها اصلا ماكلف نفسه واجه وياها لو مهتم الها كان هسه واكف حاله حال ابوها إلي ماقبل حتى يكعد على كرسي واكف بر صار ساعات...

كلامها خنجر مسموم وطعن گلبي...

وهم فقدت وراحت الأصوات.. ورجعت دوخه قويه واحس راسي منمل..

صرت افتح عيوني بصعوبه... احس بثكل فوكهن.. حاولت اركز شفت مجموعه أطباء يتناقشون بينهم عن حالتي..