في ضريح العشق حمامـــــه......💙🕊

الثاني والخمسون

#في ضريح العشق حمامــــة .....🕊💞

وئام الشيخلـــــي ......

مساء السعاده وراحة البال ؏ عيونڪم غوالي .......

المقطع الفوگ ــ ڪم وحده تابعته تڪتب تم ــ 👍👍

يرسل الله لك هدايا ونعمة عظيمة تكون على هيئة أشخاص يخرجون أفضل ما فيك
يمضي الوقت معهم دون ملل أو لحظة ضجر
حتى الصمت معهم يغدو بجمال لا يوصف
أشخاص تكون على طبيعتك. حقيقتك بكل ما فيك من فرح و وجع .
ف اللهم أدم وصلهم . حبهم قربهم و كلهم يا الله.......

ــــــــــــــــ

الاحد ـ26/10/2003

هل علينا هلال شهر رمضان ـ ربي يجعلة هلال خير علينا و؏ امة الاسلام ــ

و؏ گولة ابوي هل علينا هلال اخر ونور بغداد ــ وهو خالو ابو هيا ـ

مضبط اموره باجازه هو وخالتي اميره ـ
بس الاصعب اجازه هيا لان عدها دراسه .

اول يوم رمضان والاجواء الحلوه وي لمه العائله ـ
اهلي ڪلهم وبيبي عنيده وصلتنا العصر وخوالي ..

انمدت سفره والافطار وڪلنا موجودين الصاله مليانه ـ

جدو سٵل اتصلتو بهيام ..

گالو اي زينه وتسلم عليك .

گال يفوتن جم يوم واريد واحد من ولدي السباع يروح للبصره يجيبها تفطر ويانه يومين ويردها ـ

واذا فاتنها دروس ـ ابو الحسن يدرسها.

خالو ابو هيا گال اني اروح الها ان شالله يوم الخميس تدلل يابا ..

فطرنا وڪملنا لمينا السفره بالمساعده اني والبنات وغسلنا المواعين ـ

ورجعنا للصاله خالتي ام حسام تصب الجاي وتابعنا مسلسل ڪويتي اسم الحياله ـ
من اول لقطه بالمسلسل ڪلش عجبني رڪزت وياهم ـ

انعجبت بصبيهم اسمه سلامه ـ حركاته وسوالفه تجنن ..

انتبهت الڪل صافنين ؏ المسلسل ـ من انتهت الحلقه مرام بصفي گلت شجيب باجر مثل هيج وڪت ـ

ردت ليش خير حتى يصير النا صيام يومين ـ
گلت لا حتى اشوف الحلقه الثانيه من المسلسل ..

اهلي استٵذنو يرجعون البيت ـ وخالو ابو هيا گال لبابا اني شنو اتفقت وياك ـ

مو گلت اذا اجي انتو تگعدون باالطابق مالتڪم ـ
لو اسحب اختي منك ـ يااخي تندمت نطيتك ..

باجر اڪمل الها جواز واخذها وارجع للامارات ـ
بالگوه قنعة انت تعبان ولازم ترتاح ـ وابو اميره وامها وصلو العصر والطريق طويل .

راحو اهلي ورجعنا للصاله وفعلا واضح عليهم تعب السفر ـ

ڪلمن توجه لبيته ..