في ضريح العشق حمامـــــه......💙🕊

البارت الثامن عشر

#في ضريح العشق حمامة،،،،

البارت الثامن عشر....

وئام الشيخلي،،،،

اسعد الله أوقاتكم حبايب قلبي....

،،،،،،،،،،

أصعب الألم.. أن ترسم الضحكة على شفاهك وداخلك ينتحب، أن تجامل من حولك بالفرح والحزن يبني حضارةً في صدرك، أصعب الألم.. أن تثق بالحب في زمن الغدر وتثق بالحياة في زمن الشقاء وتثق بالصوت في زمن الصمت والجريمة.

،،،،،،،،،،،،،،،

نطقت ليلى كلماتها بانهيار...

وصارو الكل ينظرون لمحمد بترقب وكان الكل يعرف بالموضوع....

ام كرار تبالع بريجها مرتبكه...
ام عادل تبجي....

ام حاكم تحاول تهدي ليلى ألحاظنه خالتي وتبجي بقهر..

عادل يتوعد لزوجته...

ورجعت بنضري على محمد... ولا كأن هالكلام كان علي.. وهو بوضع خطر...

واضح اخو مريض نفسي... الله يشفيه مااكول غيرها...

والا اكو واحد يخلي ايده بيد مجرم ويحاول يقتل اخوه...

والمشكلة محد نكر هالشي...

وشلون الها جرئه قبل شوي تتهم محمد هو السبب بمرض ابو....

ايدي على كلبي لايكعد عمي على صوت الهوسه...

ليلى من كثر البجي حسيت راح تتخربط.. تكول لمحمد إذا صارلك شي اني اموت.....

ليش محمد كل هاي السنين حرمت ابوي من شوفتك وطلعت انت الي تدزلة. مصرف كل شهر وملابس..

وتدري هو عبالك يدري هن منك عايف كل الملابس وبس هن يلبسهن... حرامات محمد حرمته شوفتك انت تستحق تكون ابن علي ورفعه راسه...

مو موفق الي خله أبويه من مشكله لمشكله...

وهسه جاي بنت ابو صبيح تتهمك انت السبب بمرض ابوي....

محمد كل كلامك الي كلته الي صح...
وشكك بمحلة ...

موفق رايح على الشيوخ وطاعن بعرضك ...

وهو المنطي فلوس لواحد وكاتب عنك تقارير كيديه  حتى تنفصل من الوضيفه...

الكل منتبه على ليلى الأنهارت وخارت كل قواها... خالتي واضح جديد عليها الكلام وماعدها علم بشي...

وليلى صارت تعيد بكلمات محمد يردون يموتك يردوني بلا سند...

وصارت تعيد وتلطم اموت إذا صارلك شي... اموت فدوه ماعندي سند يتفقدني غيرك.. انت كل اهلي....

السنوات العشتها بدونڪ ڪل يوم اشوف الموت بيها ...

بالكوه تتنفس...