في ضريح العشق حمامـــــه......💙🕊

الواحد والثلاثون ــ الجزء الثاني

في ضريح العشق حمامه ......💙🕊

وئام الشيخلي ......

مساء الورد والياسمين ؏ عيونڪم غوالي. .......

اذڪرڪم ونفسي بصيام يوم عرفه ويارب يتقبل منا ومنڪم صالح الاعمال. 

ومبارك للطلاب الثالث المتوسط النجاح.
ويارب يوم نبارك لطلاب السادس.

ــــــــــــــــــــــــــــ

ڪل عام وانتم بخير ينعاد عليڪم بالصحه والسلامه واليمن والبرڪات وتحقيق ڪل الاماني. ـــ

ــــــــــــــــــــــــــــ

نبضة من الحب تبعثر كل شئ..
فهو يأتيك دون إستئذان
بل يأتي راكضا مسرعا
يجوب في عقلك يبحث عن ذكرى قديمة يوقض كل المشاعر.......

ـــــــــــــــــــــــــــ

دخلنا البيت احساس بالارتباك ولا ڪٵن هذا البيت عشت بي سنين من عمري.

وموثقه بي اجمل اللحظات.

من دخلت الصاله عيوني تباوع للدرج.

اتذڪرت من ڪان يراجع النا ماده الامتحان .

ونزلته من فوك ورزانته واناقته يخليني تايهه ومااعرف يميني من شمالي.

ضغطه قويه ؏ ايدي رفعت نظري اله شابع ضحك.

ويگول ها مرام رجعنا نتصفن.

ابتسمت مااعرف بــ شنو ارد.

فرحه ؏ ارتباك استحيت منه ڪاشفني متاڪده عرف شنو اجا ؏ بالي وشنو دا اتذڪر.

حسام من باب الصاله اشرله.
وصوت الطبل يدگ يعني سووها صدگ حسام واوس.

نزع سترته خلاها ؏ الڪرويته.
تقرب مني يهمس حبيبي اشوفهم شنو ناوين اليوم.
هزيت راسي بــ اي.
بس الصراحه مااتمنيت يطلع.

طلع واني اتبعه بنظراتي الى ان وصل لباب الصاله.

هيام مبتسمه تباوعلي اجت يمي.
تگول گولي ماشالله وصلِ ؏ النبي وال النبي ـ عليه و؏ اله الصلاه والسلام.

هواي باوعتي علي ـ

اسمع خالتي تگول اريد ارقي الياس من العين.

ضحڪتني خلف الله عليج ام ياسر.

يعني اني احسده؟ ؟؟؟

ضحڪت وتگول اشك ٵنت المقصوده.

عوفينا من الحسد. اسم الله عليڪم.

شنو شعورج؟ ؟؟؟

مرام ـ مااگدر اوصفه بس بڪل ثانيه اردد الحمدلله.

واتمنى هاليوم والفرحه لڪل بنيه بالڪون وربي مايحرمهم من زوج وسند مثل مارزقني.

هيام ـ امين يارب.