ပူအိုက်လွန်းတဲ့ နွေဟာ
သူ့အတွက်တော့
ဆွေးစရာကို မရှိပါ..။
နဖူးကနေ ခြေမအထိ
ကျချင်နေတဲ့ ချွေးတသိုက်ကြောင့်
ယပ်တောင်ကိုသာ
ခပ်ပြင်းပြင်း ခတ်နေမိတယ်..။
အကိုဆောင်ခိုင်းတဲ့ မီတာခကို
သူ မေ့သွားမိတဲ့နောက်မှာ
မီးဖြတ်သွားတော့တာပါပဲ..။
မီးမရှိတဲ့နေ့မှာမှ
အပြင်သွားရတဲ့အကိုကတော့
သိပ်ကို ကံကောင်းတာပါပဲ..
ဟော ..ပြောရင်းဆိုရင်း
အကိုရယ်
ပြန်လာပါပြီ..
ချွေးတလူးလူးနဲ့ အိမ်ဝ ထိုင်နေတဲ့
သူ့ကို ကြည့်လို့ ရယ်ချင်နေပုံနဲ့..
"မီးပြတ်နေတာလား.."
"မီးဖြတ်သွားတာ..
ကျနော် မီတာခ မဆောင်ရသေးဘူး
မေ့နေတာ..."
ဖြေလိုက်ပြီးမှ အဆူခံထိတော့မှာပဲလို့
သူ တွေးနေတုန်းရှိသေး
အကို့လက်က သူ့ဆီ လှမ်းလာပါတယ်..။
ဘုရား..ခေါင်းထုခံရတော့မှာလား..
အတွေးနဲ့တင် ဆတ်ခနဲ
နောက်လန် ဆုတ်မိတော့
မော်သွားတဲ့ သူ့ခေါင်းကို ကြည့်လို့
အကိုက အော်ရယ်တယ်..။
နောက်တော့ သူ့လည်ပင်းက
ချွေးတွေကို လက်နဲ့ လှမ်းသပ်ပေးပြီး
သူ ပခုံးမှာပဲ ပြန်သုတ်သွားတယ်...။
ဒါက ဘာအထာလဲ
ရွံတာလား...
မှုန်ကုပ်ကုပ်နဲ့ သူကြည့်ပေးလိုက်တော့
သူ့ပါးပေါ်ကို လက်နဲ့အသာ
ထပ်သုတ်ရင်း ဆက်ပြောတယ်..။
"ရေသွားချိုး..." တဲ့
နောင်ဘဝထိတောင်
ချိုးဖို့ စိတ်ကူး မရှိပါ..
"ရေခဲမုန့် ဝယ်ကျွေးမယ်လေ.."
"ပြီးတာပဲ.."
ဆတ်ခနဲ ထသွားတဲ့
ရိပေါ်ကို ကြည့်လို့
ရှောင်းကျန့်တစ်ယောက် ခိုးရယ်ပါတယ်..။
ဒီကမ္ဘာမှာ ညစ်ပတ်အိုးကို
Controlလုပ်နိုင်ဖို့
နည်းလမ်းတွေမှ ပုံလို့ပဲ..။
ဒါပေသိ သူ သုံးမှ ဖြစ်တာ..။
