ဒီနှစ်နွေက အရင်နှစ်တွေ
ထက်ပိုပူတယ် ....
ပူကပူ မီးကပျက်
ယပ်တောင်တဖျတ်ဖျတ် ခတ်နေတဲ့ သူ့အနားလာထိုင်ပီး အကိုရယ်
ဆံပင်တွေကိုဖွနေတယ်...
"ဆံပင်တောင် အတော်ရှည်နေပီ...ဂုတ်ထောက်တော့ ပိုယားမှာပေါ့. .ညှပ်မလား?"တဲ့
အစက ထင်လိုက်တာက
အပြင်သွားရတော့မယ်ပေါ့!
"ကိုယ်ညှပ်ပေးမယ်လေ"
"တခါမှ မညှပ်ဖူးပေမဲ့ youtubeကနေ ကြည့်ထားတယ်.." တဲ့
ကပ်ဘေးကာလမှာ ကပ်ထပ်စိုက်တာပဲ.. ><
ငြင်းလိုက်ပြန်ရင်လဲ
စိတ်မကောင်းဖြစ်ပီး
Dဝင်သွားဦးမယ်...
"ထ....ဝရံတာဘက် ထွက်ညှပ်ရအောင်" တဲ့
ချက်ချင်းကြီး!
အံမယ် ကတ်ကြေးတောင် ဘယ်တုန်းကပြေးယူလိုက်တယ် မသိ... ><
ခုချိန် ဘယ်ဘုရား တ ရင် မီ လောက်မလဲ ?
ညှပ်ခါနီး မျက်လုံးလေး
လှန်ကြည့်ရင်း
"အကို ချစ်တယ်နော် ...ချစ်တယ် သိလား" လို့ပြောတော့....
အကိုက မျက်လုံးတွေပိတ်တဲ့ထိ ပြုံးရင်း...
"သိတာပေါ့ သိတယ် "တဲ့
အေးလေ ..ဒီလိုအပြုံးနဲ့မှတော့ ယုံမှတ်လို့ ပုံအပ်ရုံရှိတော့တာပေါ့
ခြွေနေလိုက်.. :/
ညှပ်တာ ဘလောက်ကြာလဲ ဆို ငိုက်ပါငိုက်တယ်....
ဆတ်ခနဲ လန့်ပီး ထ ရပ်လိုက်တော့
အကိုက အော်တယ်
"ဘလို ဖြစ်ရတာတုန်း
အကြီးကြီး ညှပ်မိသွားပီ...ပြန်ညှိရတော့မယ် ထိုင်.." တဲ့
ကျနော့်ဆံပင်လေးတော့ အမျှဝေလိုက်သင့်ပီထင်မိတာပဲ...
"ပီးပီ"
သက်ပြင်းကို ရဲရဲကြီး ချပလိုက်တယ်....
"ပြ...မှန်ပြဦးလေ.. အကိုရ"
အကိုက သွားကိုဖြဲလို့ အကြီးကြီးရယ်ပြတယ်...
"ထိုင်နေ.. အကိုပြမယ် "ဆိုပီး
မှန်ကို သူ့ခေါင်းတပတ်လည် ဖျတ်ခနဲ ဖျတ်ခနဲ ပြတယ်..
အတင်းဆွဲလုပီး သေချာကြည့်မှ သိလိုက်ပါပီ......
"အကို..."
