အကိုက သူ့အလုပ်ကိစ္စနဲ့
တစ်ယောက်တည်း ထွက်ရတဲ့
ခရီးတွေမှာ ရောက်တဲ့အရပ်ကနေ
ရိပေါ်ရှိရာဆီ
Postcard တစ်စောင်
မမေ့မလျော့ ပို့ပေးလေ့ရှိတယ်..။
ဒါပေမဲ့လို့ တခါတခါကျ
Postcardထက် အရင်
အကိုက အိမ်ပြန်ရောက်နေတတ်တဲ့အခါတွေလည်းရှိရဲ့..။
တခါမှာဆို postcardရောက်လာချိန်က
အကိုတောင် ခရီးက ပြန်ရောက်လို့
ရိပေါ်တစ်ယောက် ရာဇသံထိပြီး
ဖွထားမိသမျှ legoအပိုင်းတွေ
တစ်စစီ ပြန်ကောက်နေရချိန်ဖြစ်တယ်..။
သဟာကျ
ဘယ်မှာလာsweetပါတော့မလဲ..။
သို့ပေမဲ့လို့ postcardရတဲ့အခါ
ပျော်သွားတဲ့အပျော်မျိုးကို
အကို့ကိုလည်း
ခံစားဖူးစေချင်ခဲ့တာမို့
ဒီနှစ်အတွင်း
ဘယ်မှမရောက်ဖြစ်တဲ့ရိပေါ်က
တစ်မြို့တည်းနေ တစ်အိမ်ထဲအိပ်တဲ့
အကို့ဆီ postcardတစ်စောင်
အသေအချာ ရေးပို့လိုက်ပါတယ်..။
အိပ်မောကျနေတဲ့ အကို့ပခုံးကြား
တိုးခွေ့အိပ်နေတဲ့
သူ့ရဲ့ ပါးဖောင်းတစ်ခြမ်းပါ
selfieပုံ ဖြစ်တယ်..။
ဒီအတောအတွင်း
အချိန်အားသရွေ့
လက်ရေးလှကျင့်လာတဲ့
Skill နဲ့ စာတစ်ကြောင်းကြီးများတောင်
ထည့်ရေးပေးလိုက်သေးတယ်..။
အချစ်ရပ်ဝန်းရောက် အမှတ်တရ..တဲ့..။
အဲ့ဒီနေ့ရဲ့ မနက်ခင်းဟာဆိုရင်ဖြင့်
သတင်းမှာ မုန်တိုင်းရှိပါတယ်လို့
ကြေညာထားတာတောင်
ရိပေါ်တို့တစ်အိမ်တည်းကွက်ပြီး ရာသီဥတု သာယာလို့နေပါတယ်..။
အကို ချက်ကျွေးတဲ့
နံနံပင် အကုန်အုပ်ဟင်းတွေကို
တနင့်တပိုးစားပြီး
မျက်ခွံတွေ တအိအိ ငိုက်ကျလာတဲ့နောက်
ရိပေါ်တစ်ယောက်
ပန်းကန်တွေ မဆေးပဲ
ဧည့်ခန်း ဆိုဖာထက်
သွားခိုးအိပ်လို့နေပါတယ်..။
ဆိုဖာထက် ပါးတစ်ဖက်လုံး
အိကျလာတဲ့အထိ
စက်တော်ခေါ်နေတဲ့ ရိပေါ်ကို
အကိုကတော့ ဆူဖို့ဝေးလို့
ပြုံးပြုံးကြီးသာ ကြည့်နေခဲ့ပါတယ်တဲ့..။
ဆိုဖာ တစ်ခြမ်းလုံး
သွားရည်ကွက်သွားလည်း ဘာအရေးလဲ..။
အချိန်တန် sprayဖြန်းလိုက်ရုံပေါ့..။
ဘာခက်တာမှတ်လို့..။
Oops! This image does not follow our content guidelines. To continue publishing, please remove it or upload a different image.
