ဟေး...အကိုရေ
ဒီလက အာ့လင်အာ့လင်ရဲ့
နောက်ဆုံးလ ဖြစ်တယ့်
December..
ဒါ့ကြောင့်မို့ ကျနော့်ရဲ့နောက်ဆုံးအချစ်အကြောင်း ပြောပြမယ်..။
နောက်ဆုံးအချစ်ဆိုတော့
ရှေ့ကအချစ်တွေကရောလို့
မကတ်သတ်နဲ့လေ...
ကျနော့်ရဲ့ရှိရှိသမျှ အချစ်တွေအားလုံးကို
ကျနော်တောင် မသိလိုက်ရပဲ
ခိုးယူသွားတယ့် အချစ်သူခိုးလေးက
အကိုပဲ....။
အရေးယူတယ့်အနေနဲ့
တသက်လုံးစာ အနားရှိနေပေးရုံနဲ့
ကျေအေးလိုက်တာဆို ယုံ...။
အာလာဒင်မီးခွက်စောင့်လို
ဘီလူးတကောင်လောက်ရှိရင်လည်း
ကောင်းသား..။
အကို့ကို တွေ့ချင်လို့
ခု ချက်ချင်း ခေါ်ခဲ့စမ်း..ဆိုပြီး..
စိတ်ကူးပေါ်တိုင်း
အမိန့်ပေးနေမိတော့မှာ ..။
အဲ့ကျ ကျနော့်ရှေ့ကို
အကိုက စာအုပ် တစ်အုပ်အုပ်ဖတ်နေရင်း
ရောက်လာလောက် မလား..။
အိပ်ပျော်နေရက် ပါလာလေမလား..။
အိမ်သာတက်နေတုန်းသာဆိုရင်တော့
ဒုက္ခပဲ...ဟာဟ..။
စတာ စတာ..။
ဒီစာ ကို ဖတ်နေရင်းက
ပေါက်ကရတွေ လို့ ရွတ်နေပြီမလား..
တကယ်ဆို ကျနော်က
သိပ်ကို တည်တည်ငြိမ်ငြိမ်နေတတ်တာ..
ခြွင်းချက်ကတော့
အကို ပေါ့..။
တည်ငြိမ်တယ့်ရေပြင်မှာ
ခဲလုံးလေး ရှပ်ပြေးသွားတယ့်အခါ
ပေါ်လာတယ့် လှိုင်းခွက်ကလေးတွေက
အကို တဲ့ မခက်ဘူးလား...။
အချစ်က သိပ်ခက်တယ်
ဖြေရှင်းဖို့နည်းလမ်းရယ်လို့ မရှိဘူး..။
ကျနော့်အတွက်တော့
Xနဲ့ Yကို ညီမျှခြင်းချသရွေ့
ဘယ်ပုစ္ဆာလာလာ ဖြေနိုင်မယ်လို့
ယုံတယ်..။
လေယူရာယိမ်းတယ့်ဝါဒမှာ
ကျနော်ကတော့ အကိုရှိရာပဲ
အမြဲယိမ်းနေတော့မှာ..။
အကိုက ကျနော့်ရဲ့ဘာသာ..။
လာမတ်ပေးဖို့ ကြိုးစားတယ့်
အကို့လက်တွေကို ဖယ်ပြီး
အကို့ပခုံးပေါ်မှီချလိုက်တယ့်အခါကျ
ခါမထုတ်ပစ်ဘူးမလား..။
