ဝင်လာတဲ့messageတွေကို ဝင်မဖတ်ဘူး seen ဖြစ်သွားမစိုးလို့
Ph ringtoneကို silentထားတယ်
အကျင့်ပါနေတဲ့လက်က ကိုင်မိသွားရင် မခက်ဘူးလား
ဒါတောင် မနက်က
အိပ်မောကျနေတဲ့ နဖူးပြေပြေကို မြင်ကွင်းက မဘလော့လိုက်နိုင်ဘူး
အင်း မှည့်နက်လေးရောပဲ..
ရုံးဆင်းတော့
ကြိုလေ့မရှိတဲ့ ကားအနီရဲရဲကို ကျော်ချပစ်ဖို့ မေ့သွားတယ်
သတိရတော့ ခါးပတ်ကြိုးတောင်
ပတ်ပီးနေပီ မခက်ဘူးလား
မနက်က
တားမြစ်ထားတဲ့
ဆိုင်ကယ်ကြီးထုတ်စီးလာတာ
ခု မေ့ကျန်ခဲ့ပီ
သူခိုးစာတော့ မမိလောက်ဘူးမလား.
အရင်လို လာအကြိုထူးတဲ့နေ့တွေမှာ
တနေ့တာ ဖြစ်သမျှအကြောင်းပေါက်ပေါက်ဖောက်လိုက်
ကားမောင်းတဲ့ဆီ အာရုံစိုက်နေတဲ့
မျက်နှာကို တမေ့တမော
ထိုင်ကြည့်လိုက်တွေ
မလုပ်တော့ဘူး..
မြင်နေကျ ရုံးပြန်မြင်ကွင်းတွေက ဒီနေ့မှ သိပ်ကိုကြည့်လို့ကောင်းနေတယ်
bakeryဆိုင်သစ် တစ်ခုတွေ့လိုက်တယ် အကျင့်ပါနေတဲ့ပါးစပ်က လှည့်ပြောမိတော့မလို့
မနဲ ဘရိတ်အုပ်လိုက်ရတယ်
လှည့်မိတော့မယ့်ခေါင်းကို
ထိန်းစမ်း
ရုတ်တရက် နဖူးပေါ် လက်နွေးနွေး တဖက် ရောက်လာတယ်
"နေမကောင်းဘူးလား"
ဟမ့် စမ်းတဲ့လက်ကပိုပူနေတာ မဟုတ်ဘူးလား
ထွက်မိမယ့်စကားပြန်ငုံလိုက်ရတယ်
မနဲ ..မနဲ..
ဘာလဲ လှည့်ကြည့်နေတာလား!!
နှစ်ယောက်လုံး ကြွသွားရင်ဖြင့်
ပန်းခွေ လာချပေးမယ့်သူမဲ့နေတော့မှာ ပဲ
စိတ်ပဲကောက်ချင်တာ မသေချင်သေးဘူး..သိဖို့..
ခပ်တိုးတိုးရယ်သံကြားမှ
ထော်မိတဲ့နှုတ်ခမ်း ပြန်ကိုက်လိုက်ရတယ် ထိန်းထားစမ်း
စိတ်ပြေသွားလို့ မဖြစ်ဘူး
ကားစက်ရပ်တာနဲ့
ဝုန်းခနဲ ခုန်ဆင်းခဲ့တယ်
ရေမချိုးပဲ အိပ်ပစ်ရမယ်
ဆူစမ်း..မကြားချင်ယောင်ဆောင်ပီး ပလစ်ပလိုက်မယ်..
