အကို့ကို လွမ်းတယ်...
အကိုမို့ ပြုံးလိုက်ပီဆိုရင်
တလောကလုံးကို မေ့
ထားလက်စ ရည်းစားပါမေ့သွားတာ ...။
(အကိုနဲ့စတွေ့တုန်းက ရည်းစားရှိတယ် ချောတော့ စွံတယ်
ဒီလောက်ပဲ...)
အချစ်ကိုစတွေ့ရင်
လေတွေတိုက် သစ်ရွက်တွေကြွေ
ပန်းပွင့်တွေလွင့်....။
(ကြည့်ဖူးတဲ့ ကုလားကားထဲမှာတော့
ဒီလိုလာတာပဲ....)
အကို့ကို စတွေ့တုန်းကလဲ
လေတွေတိုက်နေတာပဲ..
တိုက်ဆို ..
အဲ့နေ့က မုန်တိုင်းရှိတယ်လေ..။
စက်ဘီးလေးနင်းလာတဲ့အကိုက
K MTVတွေထဲကလို လေထဲမှာ တလွင့်လွင့်နဲ့ ဖြတ်အသွား ကျနော်က ငေး....။
အာ့လို မထင်ပါနဲ့ !!!
လေကိုဆန်ပီး ကုန်းရုန်းနင်းနေရှာတဲ့အကိုက တလမ်းလုံး
သူနဲ့တင် ပြည့်နေတာ...။
စက်ဘီးလဲ သိပ်စီးတတ်ပုံမရဘူး..
နောက်တော့ လမ်းဘေးရပ်ထားတဲ့ ကားကိုဝင်တိုက်ပီး စက်ဘီး ရပ်သွားရော..။
ပီးကျ ပြောသေး sry sryတဲ့
ကားကို.... :3
ပီးတော့ သူ့ဘာသူ မလုံမလဲ လိုက်ကြည့်ရာက ခွီနေတဲ့ကျနော့်ကို တွေ့သွားတာပဲ...။
မျက်ခုံးကို လက်ညှိုးလေးနဲ့ကုတ်ရင်း ရှက်ရယ်ရယ်တယ်...
အဲ့မှာ ကျနော် စကြွေတာပဲ
အင်း မေးဖျားနားက
မှည့်နက်လေးကိုရော....။
အဲ့တုန်းက
တလမ်းလုံးမှာ အကိုနဲ့ကျနော် နှစ်ယောက်တည်း.... ။
(တကယ်က မုန်တိုင်းရှိလို့ ဘသူမှ မထွက်တာ :3)
မြင်ကြည့်ကြည့်စမ်း...
ဘလောက် Roဆန်လိုက်သလဲ...။
လေတွေကလဲ တဟူးဟူးနဲ့
အပင်တွေကလဲ ယိမ်းလို့...။
ရုတ်တရက်
ဖြောင်းဆို အသံကြားလို့ မော့အကြည့်မှာ ရိပ်ခနဲ မြင်ပီး ကျနော် မေ့သွားတာပဲ....။
တကယ်က လေပြင်းလွန်းလို့
ကျနော်ရပ်နေတဲ့ဘေးက သစ်ပင်က အကိုင်းကျိုးကျတာ..။
ပုံမှန်ဆို ရှောင်လိုက်နိုင်ပေမဲ့
အာရုံက အကို့ဆီမှာလေ...။
ကျနော် ပြောပါတယ်
အကိုသာပြုံးရင်
တလောကလုံးကို မေ့ပါတယ်ဆို !!
