ဒီနေ့ သူအလုပ်နားရက်
အကိုကတော့ မနက်တည်းက
စာအုပ်တိုက်သွားတယ်..။
ခြံထဲထွက် သီချင်းလေးတအေးအေးနဲ့
အဝတ်တွေ ထုတ်လှန်းနေတုန်းရှိသေး..
ဖြုန်းဆို မိုးအုံ့သွားရော!
ဘာလဲဟ
စောနကမှ နေသာနေတဲ့ဟာ...?
လှန်းသမျှ ပြန်ရုတ်နေတုန်းရှိသေး
နေပြန်ပွင့်လာပါရော!!
ခွီးပဲ
တခါပြန်လှန်းရပြန်တယ်..။
အကိုအပြင်သွားတုန်း
ဆိုင်ကယ်ပတ်စီးမို့ပါဆို
ဒီအဝတ်တသုတ်နဲ့ အဆင်ပြေမနေဘူး..။
ဆိုင်ကယ်၂ခါမှောက်ပီးတည်းက
အကိုက ပြန်စီးခွင့်မပေးသေးဘူးရယ်
ပထမတခါက လမ်းဘေးသဲပုံတွေ့လို့
တက်မောင်းရင်း မှောက်တာ..။
(သဲပေါ်မောင်းမရမှန်းသိတယ်
မှောက်မလားလို့ စမ်းကြည့်တာ
မှောက်တယ် )
နောက်တခေါက်က ရုံးရှေ့မယ်
ရပ်ထားတုန်း သူ့ဘာသူ လဲသွားတာ
ဘတ်မှန်ပါ အဆစ်ကျိုးသွားသေး..။
တကယ်ဆို
သူ ဆိုင်ကယ်စီး တကယ်ကျွမ်းတယ်ရယ်!
ဆိုင်ကယ်သော့လေး တရမ်းရမ်းနဲ့
အိမ်ပြင်အထွက် မိုးရွာချလာပါရော..။
ကပျာကယာနဲ့
အဝတ်တွေ ပြေးရုတ်ရပြန်တယ်..။
အိမ်ထဲပြန်ဝင် အဝတ်တွေ တန်းပေါ်တင်
ရေလေးသောက်ပီး
အမောဖြေတုန်းရှိသေး
နေပြန်သာလာတယ်...။
ချီးပဲ
တနေကုန် ဒီသောက်လုပ်ပဲလုပ်နေလိုက်
စိတ်ပေါက်ပေါက်နဲ့ ပစ်ထားလိုက်ချင်ပေမဲ့
အကို့ရာဇသံက ရှိသေးတယ်...။
အဝတ်တွေပြန်လှန်းရင်း
ဗိုက်ထဲက အသံမြည်လာတယ်..။
ပြေးရလွှားရနဲ့ ဗိုက်တောင်ဆာလာပီ
အကိုက ဟင်းချက်မသွားဘူး.. ><
အာ့တော့
ခေါက်ဆွဲအမြန်ကျက်အောင်
3minအိုးထဲ ထည့်ပလိုက်တယ်..။
စားဖို့ တူကိုင်တုန်းရှိသေး
မိုးရွာလာပါရော!!
ဒဗယ် ချီးပါပဲခဗျ
အဝတ်တွေရုတ်ရင်း
ဘသူ့ဆဲလို့ ဆဲရမှန်းမသိ.. ><
ဘာလဲ??
မိုးနတ်မင်းနဲ့နေမင်းက
အချင်းချင်းကျီစယ်နေကြတာလား?
သမီးရည်းစားတွေလား?
