ဝိတ်လျှော့ကြမယ်
စားသလောက်ပိန်တဲ့ သူ့ကို
ဘယ်လောက်စားစား ဝမလာတဲ့အကိုက
"တို့တွေ အဆီတက်လာသလိုပဲ
ဝိတ်ချစို့ "လို့ ဆိုလာတော့
သူဖြင့် အမှုမဲ့အမှတ်မဲ့ပါပဲ
စကားအဖြစ်ပြောရုံပဲလို့
ထင်ခဲ့မိတာကိုး..။
တကယ်တမ်း
သူ သတိပြုမိလိုက်တဲ့အချိန်ကျ
အရွက်မျိုးစုံဟာ
ထမင်းစားပွဲပေါ်မယ်
အခန့်သားရောက်လို့နေခဲ့ပြီ..။
ကီတိုဆိုလား ကန်တိုဆိုလားကိုတော့
ပလန်သေချာချ စကေးလိုက်တွက်နေရလို့
မကြိုက်ဘူးတဲ့..။
တစ်ရက် တစ်ရက်နဲ့
နှစ်ရက်ဖြစ်လာတဲ့အခါ
ထမင်းစားပွဲနဲ့ အိမ်ရှေ့မြက်ခင်းပြင်ဟာ
အဖေတူ အမေကွဲတွေလိုပဲ..။
စိမ်းစိုစိုနဲ့ အရွက်ပြုတ်ပေါင်းစုံကို
ကြည့်လို့ သူ့မယ်
မျက်ရည်ပါလည်ယူရတယ်..။
အစိမ်းရောင်သိပ်ကြိုက်တယ်
ပြောခဲ့တာမှာ
ခုလိုအမြဲစိမ်းသစ်တောတော့ဖြင့်
ပါမနေခဲ့ဘူး..။
သို့ပေမယ့်လို့ပေါ့
သူတစ်ခါက ပြောခဲ့ဖူးသလိုပဲ
သူတို့အိမ်မယ် အကိုက ဘျင်ကြီး
တော်လှန်ဖို့ စိတ်ကူးမရှိပေမဲ့
တိတ်တဆိတ်ပုန်ကန်ဖို့
လမ်းစကို သူရှာတွေ့ခဲ့တယ်..။
ဖန်ရှင်းညွှန်းလိုက်တဲ့
Food delivery serviceကနေဖြစ်တယ်..။
လာပို့ချိန်ကိုတော့
သန်းခေါင်မရောက်တရောက်
ရွေးလိုက်တယ်..။
ရောက်လာတဲ့အခါ phမခေါ်ဖို့
အသံလဲမထွက်ပဲ
တိတ်တဆိတ် အချက်ပြပေးဖို့
သေချာထည့်ရေးလိုက်တယ်..
အချက်ပြ သင်္ကေတကတော့
အိမ်ရှေ့မယ်
ဂျွမ်းနှစ်ခါ ထိုးပေးဖို့ပါပဲ..။
Orderတင်ပြီးတဲ့နောက်
မျက်နှာချင်းဆိုင်နံရံပေါ်က
အကိုနဲ့သူ့ပုံကိုကြည့်လို့
သူ မိန့်မိန့်ကြီးပြုံးလိုက်တယ်..။
ဘျင်ကြီး
သက်တော်ရာကျော်ရှည်ပါစေပေါ့..။
အချိန်နီးလာတော့ သူ့မယ်
လောင်နေရပြီ..
အရင် ကိုးနာရီ ဆယ်နာရီဆိုရင်ကိုပဲ
အိပ်ဖို့ပြင်နေတတ်တဲ့အကိုက
ဒီနေ့ကျမှ မအိပ်နိုင်ဘူး..။
