မိုးအေးအေးနဲ့
သရဲကားကြည့်ဖို့ အကိုက ဆွယ်ပါတယ်..။
အသက်ပဲနှစ်ဆယ်ကျော်နေပီမို့
ကြောက်တယ်ဆိုတဲ့စကား ထည့်မသုံးချင်ပေမယ့်လို့ တကယ်တော့ကြောက်တယ်..။
ဒါပေမဲ့ ဘသူမလို့လဲ အကိုလေ..
မဲဆွယ်ကောင်းတိုင်းသာ သမ္မတ
ဖြစ်ရကြေးဆို အကိုကတော့
သက်တမ်းအကြာဆုံး
သမ္မတဖြစ်လာနိုင်ပါတယ်..။
အခုလဲ ကျနော်တို့အိမ်မှာတော့
အကိုက ဘုရင်ပါပဲ..
သက်ဦးဆံပိုင်စနစ်မို့
ဒီတသက် နန်းကျမဲ့ပုံလဲ မပေါ်ဘူးရယ်..။
ပြည်သူကတော့ ကျနော်လေ..
ပုန်ကန်ဖို့တော့ မစဉ်းစားပါဘူး..
ဘုရင်နဲ့ပြည်သူ ကြည်ဖြူနေဖို့ပဲလိုတယ်..။
အခုလဲ ဘုရင်ကြီး ရွှေစိတ်တော်ညိုမစိုးလို့
ပြည်သူလေး ကျနော်က
သရဲကားကြည့်ဖို့ရာ ပြင်ဆင်နေပါတယ်..။
အိပ်ရာပေါ်တက် ..
ပေါက်ပေါက်ဆုပ်ဘူးကို ဘေးမှာချ..
စောင်ကို ရင်ဘတ်ထိ
ရောက်အောင် ဆွဲခြုံ..
ခေါင်းအုံးကို လက်မှာပိုက်ထားပီးတဲ့နောက် မီးမှိတ်လို့ရပီဖြစ်ကြောင်း
အချက်ပြရပါတယ်..။
အကို ဘေးနားဝင်ထိုင်လိုက်တယ်ဆိုရင်ပဲ
စောင်ကို တဝက်ပေးလိုက်ပီး
အကို့လက်တဖက်ကိုဆွဲယူလို့
ပခုံးပေါ်ကို သိုင်းထားလိုက်တယ်..။
ခုမှပဲ safeဖြစ်သွားတာ..။
"အကို.. သရဲ ထွက်လာရင်ကြိုပြောနော်
အာ့အခန်း ကျနော်မကြည့်ဘူး.."
Screenပေါ်ကနေ အကြည့်မလွှဲပဲ
ပြန်ဖြေတယ် ..။
"အေး ."တဲ့
သိပ်တော့ မယုံရဘူး..
လေသံကိုက..
"အကို အသံလျှော့ရအောင်.."
"သရဲကားပါဆို
တီးလုံးက အသက်လေ ..
ဒါမှမကြားရင်
ဘာသွားကြောက်ရတော့မလဲ.."
"ဒါဆို ကြားရင်တော့
အကိုလဲကြောက်တယ်ပေါ့.."
"မကြောက်ပါဘူး.."
"မကြောက်ရင် ဘာလို့နားထောင်နေမလဲ.."
"တိတ်တိတ်နေ ဝမ်ရိပေါ်
Screenကိုပဲကြည့်.."
"Garr..အကို ကြိုလဲမပြောဘူး..
ခုတော့မြင်သွားပီ.."
"ဒီ ဇာတ်ကား ငါရိုက်တာမှ မဟုတ်တာ
သရဲ ဘယ်အချိန် ထွက်လာမလဲ
ဘလိုလုပ်ပီး ကြိုသိပါ့မလဲ.."
