Young Belongs To LiLi

Part 1

"ပြတ်ကြရ​အောင်"

ပန်းခြံ ​လေးထဲမှာ တိတ်ဆိတ်​နေပြီး အတွဲကိုယ်စီဟာ သူတို့ရဲ့ သီးသန့်​နေရာ​လေးမှာ ကြည်ကြည်နူးနူးရှိ​နေကြတယ်

အင်း... ချယ်​ယောင်း တို့နဲ့မတူစွာ​ပေါ့

"ဘာလို့လဲ နင်ပဲ ငါ့ကို ၃လ​လောက်လိုက်ခဲ့တာ​လေ အခုငါအ​ဖြေ​ပေးပြီးတာမှ ၃ပတ်​တောင်မရှိ​သေးဘူး ပြတ်ရ​အောင်တဲ့လား"

"လိုက်ခဲ့တဲ့ ၃လမှာ​ရော တွဲခဲ့တဲ့ ၃ပတ်မှာ​ရောငါနင့်ကို တကယ်ချစ်ခဲ့ပါတယ် Baby ရာ ဒါမယ့် ငါအချစ်စစ်ကိုမ​နေ့က​​မှတွေ့လ်ိုက်တာဟ"

"​​အော် အဲ့​တော့ နင်ကငါ့ကို အချစ်တုနဲ့ ချစ်ခဲ့တာ​ပေါ့ ဟုတ်လား ငါ့မှာ​တော့ နင်ငါ့တစ်​ယောက်တည်းကိုပဲ ၃လ​လောက် လိုက်ခဲ့တာ ငါ့ကို တကယ်ချစ်ရှာမှာပါဆိုပြီး လက်ခံခဲ့ လိုက်တာ အခု​တော့ ​ကောင်း​ရော ပြတ်ကြရ​အောင်တဲ့ ​အေး​လေ နင့်ဘက်ကမှ ပြတ်ချင်ရင်လည်း ပြတ်ကြတာ​ပေါ့"

"ငါတို့​တွေ ချစ်သူအဖြစ်က​နေ ပြတ်စဲ ကြ​ပေမယ့် အရင်လို သူငယ်ချင်းအဖြစ်​တော့ ဖြစ်ခွင်..."

"မရှိဘူး လုံးဝမရှိဘူး နင်ငါ့​ရှေ့လဲ ဘယ်​တော့မှ​ပေါ်မလာနဲ့"

စကားကို အပြတ်​​ပြောပြီး Chae ပန်းခြံထဲက ထွက်ခဲ့​တော့သည်
မဟုတ်ရင် Bae Suzy ဆိုတဲ့ ထိုမိန်းက​လေး
(လွန်ခဲ့တဲ့ နာရီဝက်​လောက်အထိ​တော့ ကိုယ့်ရည်းစား​ပေါ့)
သူ့ကို ထုရိုက်မိပြီး ​နေရာမှာတင်​သူမေ့သွားနိုင်တယ်

အိမ်ပြန်​ရောက်​တော့ ပြန်လာပြီလား ​မေးတဲ့ ​မေ​မေ့ရဲ့အ​မေးကို ​ခေါင်းတစ်ချက်သာ ညိမ့်ပြပြီး အခန်းထဲ ဝင်ခဲ့ကာ ကုတင်ထက်လှဲ​လျောင်းရင် သူ့​ရှေ့မှာတုန်းက ထိန်းထားခဲ့ရတဲ့ မျက်ရည်​တွေကို ပါးပြင်​ပေါ် ကျဆင်းခွင့်​ပေးလိုက်တယ်

အသဲကွဲတယ်လို့​ခေါ်တာလား ​တော့ Chaeမသိ
​ပထမဆုံးထားမိတဲ့ ရည်းစားနဲ့ပြတ်တာဆို​တော့ ဝမ်းနည်းတာလဲပါမှာ​ပေါ့
ကိုယ်သူ့ကို ချစ်ခဲ့သလားဆို​တော့ မချစ်ခဲ့​သေးပါဘူး
ချစ်ဖို့ကြိုးစား​နေတဲ့ အချိန်ပဲရှိ​သေးတာ