المشروع المهدوي الاصلاحي

العتب عليمن..؟

بسم الله الرحمن الرحيم
اللهم صلي على سيدنا محمد وال محمد الطاهرين
تقبل الله تعالى صالح أعمالكم بحسن القبول

موضوع اليوم العتب عليمن..؟

ما رح احجي عن أمور واضحة مثل ازمة الحياء والغيرة والاخلاق الاسلامية وانتهاك المحرمات بالعلن..

بس العتب على اليكول احنا مجتمع إسلامي ومع ذلك ماكو أي اثر إيجابي للاسلام في واقعنا, وبالحقيقة ماكو من الإسلام غير اسمه واي تطبيق فعلي ماكو..

العتب على الفاهم الرجولة بس بالبيت وعلى اخته وزوجته, ويجهل ان الرجولة والشهامة الحقيقية من تغار على بنات الناس (اذا بعدها الغيرة على قيد الحياة) وتشعر بالاسف مو تفرح من خواتك وزميلاتك المسلمات المحترمات يركصن ببدلة العرس بين الشباب على أصوات الكاولية.. عذرا ع هذا المصطلح

العتب على المسلم اليحجي بالدين ويصيح بعد ماكو شريفة, وتالي يكون جزء من تجمع ينسف حياء البنات ويجرهن لمفاسد ورذائل اكبر, ويخليهن لعبة بيد ياهو الجان..

العتب على الينتقد حوادث التحررش والاغتصاااب والخيااانة, تالي يكون من الداعمين لهكذا تجمعات تكون انسب بيئة واسهل فرصة للتعرض للبنات واهدار كرامتهن...

العتب على الي انطاه رب العالمين القوامة ومسؤولية حماية ورعاية النساء, تالي يخوون الامانة ويكون اكبر سبب لفساااد النساء وينطي اهتمامه واحترامه لأي وحده غير الوقورة والملتزمة...

تعرفون ليش وشلون الذكور هم اكبر سبب لفساااد النساء بكل العالم...؟
بما ان الذكر المستفيد الأكبر من فساااد الشابات, لذلك تشوف اغلب مصممين الأزياء النسائية من الرجال, واغلب المالكين لبيوت الدعااارة والرابحين منها هم الرجال, واغلب برامج الاثارة الجننسية هي من تصميم الرجال, وحتى هذه الحفلات وفقراتها وفكرة رقصة الغدارة النايلون وصوت الطربكة كلها من تصميم وترتيب الشباب غالباً..

🚫 لعد شنو دور الاناث..؟
تريد الواقع..؟ غالبا دورهن تلبية رغبات الذكور وتلطيف الاجواء وتقديم اطباق متنوعة وشهية من الاثارة الجننسية والنشوة وهرمونات السعادة, سواء عن قصد او عن جهل..

صراحة واقع الاناث احياناً يثير الشفقة..

الحمد الله رب العالمين▪
دمتم في رعايه الله تعالى وحفظه
نسألكم خالص الدعاء بالموفقيه
المشروع المهدوي الاصلاحي