“Balita ko nanalo yung design ni Chris sa DP ah. Interchange ba yun?” Si Gregg.
“Oo, galing talaga ni Chris. . .”
“E ikaw, kelan ka magmamasteral?”
“Bahala na. . . kapag nakagraduate na siguro si Yzrah.”
Napalingon si Gregg sa katabi. Kahit malayo ako ay nababanaag ko ang awa sa mata ng lalake.
“May tatlong taon pa si Yzrah ‘tol, okay lang ba sayo yun? Wag mong itali ang sarili mo sa utang na loob sa ‘min. Nakatapos ka dahil matalino ka. You deserve it at the most . . . kung di nga lang ako sumasakay sa barko, ako na lang magtututor dun e. Tsaka pwede naman naming ipatutor yung pungol na yun sa iba.”
“Sa ganung pasensya ni Yzrah? May tatagal ba dung ibang tutor? Ako lang ang nakakatiyaga sa kapatid mong yun.” Ani Carlo.
Sabay na nagkatawanan yung dalawa habang umiiling iling.
Matapos marinig ang huling sinabi ni Gregg, isa lang ang nasisiguro ko.
Mabuting kaibigan ang lalake.
“Kamusta na kompanya nyo? Sabi ni Timo, andami nyo daw project ah.” Si Gregg.
“Ayos lang, nakakausad.”
“Ilan ang project nyo ngayon?”
“Apat.”
“Malalaki?”
“Oo.”
“Buti naman. Ano ano yun?”
“Isang residential, isang industrial. Tapos private office. At . . .yun nga, yung interchange ng DP.”
Tatango tango naman si Gregg sa di ko maintindihang pinag-uusapan nung dalawa.
“Okay yun ah. Para sa dalawang taon pa lang na firm nyo.”
“Sasali nga kami sa bidding ng Ayala e. Kapag nakuha namin yun ‘tol, sobrang laking break nun sa kompanya.”
“Ayala? Anong project yun?”
“Exclusive village na itatayo.”
“Extension ng Makati Forbes?”
“Hindi ‘tol. Ibang model.”
“Ilang model?”
“Bente hinihingi sa bidders pero sampu ang kukunin nila. Saka isang tower.”
“Ilang unit?”
“150. Kaya yun yung tinatrabaho ko ngayon, nakakahiya naman kay Chris kapag di ko naipanalo.”
“Ilang buwan bago ang bidding?”
“Anim na buwan.”
“Kamusta design nyo?”
“Kulang pa ng lima. Nagkakaron nga kami ng problema dun sa winning design namin. Hindi namin alam kung ilalabas pa ba. Nag-aalangan yung magaling naming Architect.”
“Bakit?”
“May design syang ninakaw ng TechnicFMC, design na halos pareho nung winning design namin. Dun sya dati nagtatrabaho. Ngayon, baka pag nilabas namin tapos makita ng TechnicFMC ay madissolve kami.”
“TechnicFMC? Tangina! Yung nagdidesign ng mga skyscraper?”
Tumatango tango si Carlo.
“Bakit? Anong problema? Kung ilabas nyo e ano naman?” Si Gregg.
“Baka sabihin nila sa procurement team na ninakaw namin yung design. Na ang totoo nama’y, sila ang kumuha ng design kay Arch. Khatri.”
“E di magdesign na lang kayo ng panibago kung yun ang problema nyo. Mamaya’t ganun nga ang mangyari, sayang yung effort nyo kung madidisqualified kayo sa bidding.” Ani Gregg.
BINABASA MO ANG
Sea Of Hope (ENGINEER'S LEAGUE SERIES 1)
RomanceKakayanin ko ang bagong simulang ito. Kakayanin ko. At sa bawat pag-usad ng bus ay lalo lamang umiigting ang pagluha ko. Kaya ang kwintas na kapit at katatanggal ko lang sa 'king leeg. Ay tuluyan ko nang inihagis sa bintana. Kasabay ng pagpatak ng h...
