ကာရံညီ နှလုံးသားတစ်စုံရဲ့ ချစ်ခြင်းသံဇဉ်🌹🌹(Completed)

Chapter(4)(U&Z)

Unicode//

For zawgyi users, please scroll down the page😘😘.

ကာရန်ညီ နှလုံးသားတစ်စုံ၏ချစ်ခြင်းသံစဉ်

Chapter (4)

နှောင်ကြိုးက ခနခနဖိတ်ခေါ်သည်မို့ ကိုကို နှောင်ကြိုးတို့အိမ်က ကားဖြင့် နှောင်ကြိုးနှင့်အတူတူ  ကျောင်းသွား ၊ ကျောင်းပြန်အတူတူ လိုက်ပါလေ့ရှိသည်မို့ နောက်ပိုင်းတွင် မာမီ  လိုက်ပို့စရာမလို့တော့………….။

နှောင်ကြိုးနှင့်အတူူတူ စာတွေ အတူတူ လေ့လာရင်း ၊ စာ ရှင်းပြ ရင်း ၊ ဆော့ကစားရင်း ကုန်ဆုံးရသည့် အချိန်တို့ သည် ကိုုကို့အတွက် အနှစ်သက်ရဆုံး ၊ အပျော်ရွှင်ရဆုံး အချိန်တို့ဖြစ်ခဲ့သည်…………..။

ကိုကို အိမ်ပေါ်ထပ်မှ အောက်ထပ်ရှိ ဖုန်းမြည်သံကြောင့် ဖုန်းကိုင်ရန်ဆင်းလာခဲ့သည်…………..။

ဖုန်းကိုယူ၍နားထောင်လိုက်စဉ် တစ်ဖက်မှ နှောင်ကြိုး၏ ရွှင်ပျပျ အသံစာစာလေးက ထွက်ပေါ်လာခဲ့သည်…………..။

“ကိုကို နင်ဘာလုပ်နေလဲ…………..။ နင်အခုအားလား………….။”

“ဘာမှမလုပ်ပါဘူး ဒီအတိုင်းထိုင်နေတာ……..။ အားတယ်………….။”

“ဒါဆို နင် ငါတို့ အိမ်ဘက် လာခဲ့ပါလား…………။
ဘွားဘွားကြီးက ခရီးထွက်သွားလို့ ဖေဖေ က ငါ့ဖို့ ဒန်းဆင်ပေးထားတယ်………….။
အတူတူ စီးရအောင်လာခဲ့ပါလား…………..။”

“အိုကေ ငါလာခဲ့မယ်…………။”

နှောင်ကြိုးက ဒန်း စီးရတာ အရမ်းကြိုက်သည် ။
ကျောင်းမှာ ရှိသည့် အချိန်ဆို ကျောင်းက ဒန်းကို ခန ခနလွှဲကာ စီးနေကျ……………။

အိမ်မှာတော့ ဘွားဘွားကြီးက မိန်းကလေးနှင့် တလွှားလွှားဒန်းစီးတာနှင့်မသင့်တော် ဟူသည့်အကြောင်းပြချက်ဖြင့် ဒန်းစီးခွင့် ပိတ်ပင်ထားသည်မို့ နှောင်ကြိုး မှာ စီးခွင့်မရှိ…………..။

ခြေခံပညာ ဆဌမတန်း အတွက် တစ်နှစ်တာ အဆင့်သတ်မှတ်ချက်တွင် အဆင့်နှစ် ရရှိခဲ့သည့် နှောင်ကြိုးအတွက် ဖေဖေက နှောင်ကြိုးနှစ်သက်သည့် အရာတစ်ခုကိုတောင်းဆိုခွင့်ပြုလာခဲ့သည်……………။