ទីក្រុង រ៉ូម , ប្រទេស អីុតាលី ....
វីឡាត្រកូល អាល់ហ្វាណូ ...
ពេលព្រឹកស្រស់ត្រកាលបានបំភ្លឺលោកតែមិនបានធ្វើឲ្យចិត្តនារីរូបស្រស់រូបនេះស្រស់ស្រាយឡើយព្រោះមុខនាងមាំមកជាប់រហូតធ្វើឲ្យមនុស្សក្នុងផ្ទះភ័យខ្លាចនឹងនាងគ្រប់គ្នាហើយក៏មិនមាននរណាហ៊ានមាត់ករមួយម៉ាត់ឡើយពេលឃើញសាកភាពនាងនៅពេលនេះឡើយ។
"អរុណសួស្តីអ្នកនាង រីស្សាណា ! ថ្ងៃនេះអញ្ជើញទៅក្រុមហ៊ុនពីព្រលឹមមែនទេបាទ?"។ មីតូ ជំនិតរបស់ ណាមជូន នេះក៏មកដល់តាមពេលកំណត់ហើយអោនក្បាលដាក់នាងហើយ រីស្សាណា ក៏ក្រោកឈរហើយទាញកាបូបតម្លៃខ្ពស់កប់ពពកមកស្ពាយ។
"ទេ! ខ្ញុំចង់ទៅទិញសម្លៀកបំពាក់! ថ្ងៃនេះមិនធ្វើការទេ!"។ នាងចោលសម្តីតែប៉ុន្នឹងធ្វើឲ្យ មីតូ លើកចិញ្ចើមហាក់អេះអុញ។
"តែថាអ្នកនាងល្ងាចគឺ-!"។ មីតូ តបបំណងចង់ប្រាប់ការងារសំខានហើយ រីស្សាណា ក៏ងាកមកសម្លក់គេដោយកែវភ្នែកមាំ។
"ខ្ញុំសម្រាកមួយថ្ងៃក្រុហ៊ុននឹងរលាយទេ?"។ រីស្សាណា ក៏និយាយបែបនេះហើយ មីតូ ក៏ក្រវីក្បាលមុននឹងតាមទៅបើកបររថយន្តជូននាងទៅគោលដៅដែលនាងចង់ទៅដោយមិនបានដឹងថាមានរថយន្តមួយគ្រឿងទៀតបានលបមើលនាងមកជាយូរទៅហើយ។
"គឺវានឹងហើយ! បើកទៅតាមវាទៅ!!"។ សម្លេងនារីម្នាក់ដែលសក់ខ្លីដូចជាមនុស្សប្រុសបានចង្អុលប្រាប់តៃកុងខ្លួនឲ្យបើកតាមដោយក្តាប់ដៃណែនមុននឹងឪបកាបូបធំរបសនាងយ៉ាងណែន។
ហាងសម្លៀកបំពាក់ ជេឌី ....
ពេលនេះរថយន្តទំនើបក៏បើកបរមកដល់ហាងដ៏ប្រណិតហើយធំស្រឡឹងទើបរាងស្តើងបានបោះជំហានចេញពីរថយន្តថ្លៃហើយដើរចូលទៅ។
"សួស្តីអ្នកនាង ! មានអ្វីឲ្យពួកខ្ញុំជួយទេចា៎?"។ មកដល់ពេលណាក៏មានបុគ្គលិកស្វាគមន៍ហើយ រីស្សាណា ញញឹមមុននឹងក្រវីក្បាលទើបពួកគេចេញហើយនាងដើរមើលម្នាក់ឯងទើបមានមេការប្រចាំហាងរត់មករកនាង។
"នេះគឺអ្នកនាង ហ្វឺរីស មែនទេ ចា៎? នេះថភកែពួកខ្ញុំផ្តាំថាអ្នកនាងជាភ្ញៀវ វីអាយភី របស់ហាងយើងចា៎! សម្លៀកបំពាក់ទីនេះគឺសុទ្ធតែមានតម្លៃពិសេសជូនអ្នកនាងហើយពួកយើងនឹងសម្រាំងយកសម្លៀកបំពាក់លំដាប់ខ្ពស់មកជូនអ្នកនាងណា៎ចា៎!"។ មេការ ក៏រៀបរាប់ប្រាប់ រីស្សាណា បន្ទាប់ពីថៅកែហាងគេមិនមាននរណាក្រៅពី ចូដេន សម្លាញ់ជិតស្និទ្ធនាងនោះទេផ្តាំមកនោះទើបនាងញញឹម។
YOU ARE READING
អន្តរាយស្នេហ៍ ( Our love is disaster ) 🖤🥀🔥 ( រដូវកាលទី 2 )(Completed ✅)
Romanceជារដូវកាលទីពីរក្នុងចំណោមរដូវកាលទាំង 7 ក្នុងស៊េរី : សំណព្វចិត្តម៉ាហ្វៀ ( Mafia's sweetheart ) 💜 ដែលនិយាយពីរឿងរ៉ាវរបស់ពួកគេទាំងពីរគឺជារបៀបស្នេហាដែលមិនសមហៅថាស្នេហាខណៈក្នុងជីវិតសព្វថ្ងៃពួកគេមានតែការយល់ច្រឡំឃើញសថាខ្មៅ ល្អថាអាក្រក់បែបនេះមករហូត។ ⚠️ 19+ (...
