Unicode
🎶 နှလုံးသားရဲ့ ဂီတ 💛
-------- အပိုင်း (၆) --------
ကြားလိုက်ရသည့်စကားအတွက်
ထားထားမှာ ကိုယ့်နားကိုယ်ပင်မယုံနိုင်။
ကိုလေးက ထားထားအပေါ်
ဒီလောက်တောင်မှ လုပ်ရက်သည်တဲ့လား။
"မေမေ့ကို ငါပဲပြောလိုက်မယ်
နယောကိုအဖော်ပြုပေးဖို့က မင်းမဟုတ်ဘဲ
အခြားတစ်ယောက်ဆိုလည်း
အဆင်ပြေတာပဲလေ"
"......"
ပြောပြီး လှည့်ထွက်သွားဖို့
ပြင်နေသည့် ကိုလေးကြောင့်
လဲကျနေရာမှကမန်းကတန်းထလို့
ကိုလေးရှေ့ပိတ်ရပ်ကာ ထားထား
ဒူးထောက်ထိုင်ချလိုက်တော့သည်။
"ဘာလုပ်တာလဲ..
ငါ့ရှေ့ကဖယ်စမ်း ထားထား "
"ထားထား တောင်းပန်ပါတယ်ကိုလေးရယ်
ထားထားကို နှင်မထုတ်ပါနဲ့နော်
နယောလေးကို ထားထားမခွဲနိုင်လို့ပါ"
"ထားထား!! "
"နောက် မဖြစ်စေရဘူးလို့ ထားထား
ကတိပေးပါတယ်
နောက်ဆို ဒီအိမ်ထဲက ကိစ္စမှန်သမျှကို
အပြင်လူ ဘယ်သူမှမသိစေရပါဘူး
မေမေသက်လည်း မသိစေရပါဘူး
ထားထားကို နှင်မထုတ်ပါနဲ့နော်
ထားထား ကိုလေးကို ကန်တော့ပြီးတော့လည်း
တောင်းပန်ပါ့မယ် "
လက်အုပ်ချီကာ Rainအားကန်တော့လို့
တောင်းပန်နေသည့်ထားထားက
မျက်ရည်တွေလည်း အရွှဲသားနှင့်ပင်။
"ကောင်းပြီလေ.. ဒီတစ်ခါတော့ ရှိစေတော့၊
နောက်တစ်ခါထပ်ဖြစ်လာရင်တော့
ငါ ခွင့်လွှတ်ပေးတော့မှာမဟုတ်ဘူးနော် "
"ဟုတ်..ဟုတ်ကဲ့ ကိုလေး
ကျေးဇူးတင်ပါတယ်..
ထားထား ကတိပေးတယ်
နောက်ကို မဖြစ်စေရပါဘူး"
ထားထားက ဝမ်းသာစွာဆိုရင်းက
မျက်ရည်တွေကို ပွတ်သုတ်လိုက်သည်။
ဘေးနားမှ ဖြတ်လျှောက်သွားသည့်
ကိုလေးကိုတော့ဖြင့်၊ ထားထားက
ယောင်လို့ပင် လှည့်မကြည့်မိတော့ပါ။
ကိုလေးနဲ့ပတ်သတ်ပြီး
ထားထား မှတ်သားထားသမျှထဲတွင်
အကြောက်တရား တစ်ခုကိုပါ
မှတ်ကျောက်တင်ရင်းနဲ့
တစ်ခါတည်း မျိုးစေ့ချခဲ့တော့သည်။
