Unicode
(လက်ထပ်ကြစို့)
သူမ၏ခန္ဓာကိုယ်အား နေရာပေါင်းစုံမှ ဆွဲထားသလို ခံစားနေရပြီး မျက်လုံးများကလည်း ခြောက်သွေ့ကာနာကျင်နေလေသည်။
ရေဓာတ်ကုန်ခန်းသွားသောကြောင့် သူမ မူးဝေသွားပုံရ၏။ဘာဖြစ်သွားတာပါလိမ့်?ကျန်ရှိသည့်အားအင်ကိုသုံး၍ ကျိန်းစပ်နေသည့်မျက်လုံးကို ယွီသုံဖွင့်ကြည့်လိုက်သည်။မျက်လုံးဖွင့်ဖွင့်ခြင်း၌ပင် သူမ၏အရှေ့၌ အရပ်ရှည်ရှည်နှင့်အမျိုးသားတစ်ယောက် ရပ်နေပြီး ထိုသူ၏အနောက်မှအလင်းရောင်သည် ထိုအမျိုးသားအား ရှင်းလင်းစွာမြင်ရခြင်းမှ တားဆီးပိတ်ပင်ထားသည်။
ထိုအမျိုးသားက တစ်စုံတစ်ရာအား ထပ်ခါထပ်ခါပြောနေသော်လည်း တစ်ဖက်လူပြောသည်ကို နားရည်မလည်ခင်အထိ သူမ၏စိတ်ထဲ၌ ရှုပ်ထွေးနေခဲ့ရသည်။
" မင်း အဆင်ပြေရဲ့လား? "
ယွီသုံ နားမလည်နိုင်စွာဖြင့် ထိုသူအား ငေးကြည့်မိပြီး တစ်ခုခုမှားယွင်းနေပြီဖြစ်ကြောင်းကို သဘောပေါက်လိုက်မိသည်။သူမအနေဖြင့် အသစ်စက်စက်ညဝတ်အင်္ကျီကိုဝတ်ဆင်လျက် သူမ၏တန်ဖိုးကြီးတိုက်ခန်းတွင် လှဲလျောင်းနေသည်မှာ အသေအချာပင်ဖြစ်သည်။
'သူမက ဘယ်လိုလုပ်ပြီး ဒီလိုနေရာစိမ်းမှာ ရုတ်တရက်ထိုင်နေရတာလည်း?' ထိုစဉ် ဘေးပတ်ပတ်လည်သို့ ကြည့်လိုက်မိသည့်အချိန် သူမ၏ဦးခေါင်းထက်၌ စကားလုံးကြီးကြီးလေးလုံးမြင်လိုက်ရခြင်းကြောင့် ယွီသုံ၏ ရှုပ်ထွေးနေသည့်ဦးနှောက်မှာ ရုတ်တရက်ပျက်စီးသွားသလို ခံစားရလေတော့သည်။' ရှန်ဟိုင်း ပြည်သူ့ရေးရာဗျုရို '
" ဘာတွေဖြစ်နေတာလည်း? "
ခန္ဓာကိုယ်ကို ဖုန်ခါရန်အတွက် ယွီသုံ မတ်တပ်ရပ်လိုက်သော်လည်း သူမ၏ခန္ဓာကိုယ်သည် အလွန်အားနည်းနေသောကြောင့် ယိမ်းယိုင်သွားခဲ့ရသည်။
" မင်းအဆင်ပြေရဲ့လား? " ထိုစဉ် အမျိုးသားတစ်ဦးက အထက်ပါအတိုင်းမေးမြန်းရင်း ယွီသုံအား အလောတကြီး ဆွဲကိုင်ထားခဲ့သည်။
နောက်ဆုံး၌ သပ်သပ်ရပ်ရပ်ဖြင့် နွေးထွေးသည့်အမူအရာရှိသော ထိုအမျိုးသား၏ပုံပန်းသွင်ပြင်ကို သူမ မြင်တွေ့လိုက်ရသည်။၎င်း၏ ရွှေရောင်အနားကွပ်ထားသည့်မျက်မှန်သည် သူ၏ပူပန်သောကရောက်နေမှုကို သူမ၏အမြင်အာရုံဆီသို့ရောက်ရှိလာခြင်းကိုမူ မဟန့်တားနိုင်ပေ။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!