Unicode
နှစ်သစ်ကူးမှာ နီးကပ်လာပြီဖြစ်သည်။ရှန်းရှောင်ယွဲ့၏စတူဒီယိုမှာ စီးပွားရေးလောကတွင် အသစ်သာဖြစ်နေသေးသော်လည်း သူမကိုယ်တိုင်ကပင် အလုပ်ကို မနိုင်မနင်းမလုပ်ချင်သောကြောင့် အရာအားလုံးကို လာမည့်နှစ်ထဲသို့ ထည့်သွင်းရန် ရည်ရွယ်၍ သူမလက်ထဲမှဖိုင်ကို ပိတ်ချလိုက်သည်။
နှစ်ဝက်ခန့် အလုပ်ရှုပ်ပြီးနောက် သူမတို့သုံးယောက်သည် ကောင်းကောင်းထိုင်၍ စကားမပြောရသည့်အပြင် ညစာလည်း အတူတကွ မစားရသည်မှာ ကြာလှပြီဖြစ်သည်။ထို့ကြောင့် ယနေ့နေ့လည်ခင်း၌ ရှန်းရှောင်ယွဲ့သည် သူမတို့အား အနီးရှိ နာမည်ကြီးစားသောက်ဆိုင်သို့ ဖိတ်ခေါ်ထားသည်။
" ကိုယ်ဝန်ဆောင်တွေက spicy foodကြိုက်တယ်ဆိုရင် မိန်းကလေးမွေးလိမ့်မယ်လို့ လူတွေပြောကြတယ် "ရှန်းရှောင်ယွဲ့က ရုတ်တရက်ထ၍ အရွှန်းဖောက်ကာ ပြောလေသည်။" ရှင်းရှင်းကလည်း ကိုယ်ဝန်စရှိကတည်းက Spicy foodတွေပဲ ကြိုက်လာတော့ ကြည့်ရတာ မိန်းကလေးဖြစ်မယ်ထင်တယ် "
" အဲ့တာက သေချာပေါက်တော့ မမှန်ဘူး "ရှင်းရှင်း၏မျက်နှာတွင် မျှော်လင့်စောင့်စားနေသည့် မိခင်တစ်ယောက်၏ပျော်ရွှင်မှုဖြင့် ပြည့်နေသည်။" ဘယ်လိုဖြစ်ဖြစ် မိန်းကလေးနေနေ၊ယောက်ျားလေးနေနေ သူတို့က ငါ့ရဲ့ကလေးလေးတွေပဲ "
" မှားတယ်!ငါတို့ပါ "ယွီသုံသည် တူဖြင့် ဖက်ထုတ်တစ်ခုကိုယူ၍ ရန်ရှင်းရှင်း၏ပန်းကန်လုံးထဲသို့ထည့်ပေးရင်း ရှန်းရှောင်ယွဲ့ကို လှမ်းကြည့်ကာ ပြောလိုက်သည်။" ငါလည်း နင်ပြောတာ သဘောတူတယ် "
" ဟုတ်တယ်!သေချာပေါက် မိန်းကလေးပဲ! "ယွီသုံ၏ထောက်ခံချက်နှင့်အတူ ရှန်းရှောင်ယွဲ့သည် ယုံကြည်မှုရှိရှိ ထပ်ပြောလေသည်။
" နင်တို့ပြောသလိုပဲပေါ့ဟာ "ရန်ရှင်းရှင်းသည် အပင်ပန်းခံ၍ ငြင်းခုံမနေတော့ပေ။
ရှန်းရှောင်ယွဲ့သည် ထိုအကြောင်းအရာအား ဆက်မပြောတော့ဘဲ ယွီသုံဘက်သို့လှည့်ကာ ပြောလာသည်။" နင်ကလည်း ဒီနေ့ထူးထူးခြားခြားရွှင်ပျနေပါလား?ဘာဖြစ်လာတာလည်း? "
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
