Unicode
ရန်ရှင်းရှင်း ဆေးရုံမှဆင်းပြီး ၁လကြာသောအခါ ယ်ွီသုံသည် ရှန်းရှောင်ယွဲ့စတူဒီယို၏ ယမန်နှစ်မှ အလုပ်ကြွေးများကို ပြီးဆုံးသွားခဲ့ပြီဖြစ်သည်။ကိုယ်ဝန်မှ အကျိုးဆက်ကြောင့် ရန်ရှန်းရှင်းသည် ဖောင်းဖောင်းမို့မို့ဖြစ်နေဆဲဖြစ်သော်လည်း အသားအရေပိုကောင်းလာကာ မျက်နှာမှာလည်း နူးညံ့နေပြီး ခေါင်းလောင်းလေးနှင့် နှိုင်းယှဉ်၍ပင် ရလေသည်။
" ကလေးရလာတာက နင့်ရဲ့အသားအရေကို အများကြီးပိုကောင်းလာစေတာ မြင်ရတော့ ငါလည်း တစ်ယောက်လောက်လိုချင်လိုက်တာ "ရှန်းရောင်ယွဲ့သည် ရန်ရှင်းရှင်းကို မြင်သည့်အချိန်တိုင်း ထိုသို့ပြောလေ့ရှိသည်။
" ဒါဆိုလည်း တစ်ယောက်လောက်မွေးလိုက်လေ "ထိုသို့ပြောပြီး ရန်ရှင်းရှင်း ရယ်လေသည်။
" မေးခွန်းကြီးကလည်း?...ဘယ်သူနဲ့မွေးရမှာလည်း? "
" ချင်ယွဲ့? "ယွီသုံက ဝင်၍အကြံပြုလေသည်။
" နင် သူ့ကိုထည့်စဉ်းစားရတဲ့ အကြောင်းအရင်းက ဘာလည်း? "ချင်ယွဲ့နာမည်ကြားလိုက်ရသည့်အခါ ရှန်းရောင်ယွဲ့၏အမူအရာသည် ရွဲ့မဲ့သွားလေသည်။
" ကြည့်ရတာ သူ့ကို အခုထိဖမ်းမမိသေးဘူး ထင်တယ် "ယွီသုံ စိတ်မကောင်းဟန်ဖြင့် ခေါင်းခါရမ်းလိုက်သည်။
" ငါပြောမယ်...နင်တို့ ငါ့ကို ဘာလို့ သူနဲ့အတူ အတင်းရှိစေချင်နေကြရတာလည်း? "ရှန်းရောင်ယွဲ့သည် ထိုမေးခွန်းကို မေးချင်နေခဲ့သာ်မှာ ကြာလှပြီဖြစ်သည်။ချင်ယွဲ့သည် ရှန်းရောင်ယွဲ့ကိုလိုက်နေကြောင်း ယွီသုံသိကတည်းကသူမ၏သဘောထားသည် ' လုံးဝသဘောတူလေသည် "...ချင်ယွဲ့အား အကြံပြုချက်များနှင့် အကြံဉာဏ်အများအပြားကိုပေးလေသည်။
" ငါကတော့ သဘောကျပါတယ် "ယွီသုံက ပြတ်ပြတ်သားသားပင် ပြောလိုက်သည်။
" သူက ဘယ်လိုလုပ်ပြီး ကောင်းနိုင်မှာလည်း?ငါနဲ့လည်း ဘယ်လိုလုပ်ထိုက်တန်မှာလည်း? "ရှန်းရောင်ယွဲ့က ငြင်းဆိုလေသည်။
" သူက ချောမောပြီး သန်မာကြံ့ခိုင်တယ်လေ "ရန်ရှင်းရှင်းကလည်း ဝင်ပြောလာသည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!