Unicode
ယနေ့ကဲ့သို့ အိမ်ကို အချိန်မှန်ပြန်ရောက်လာသည်မှာ ရှဖန်အတွက် ကြုံတောင့်ကြုံခဲဖြစ်၏။
ထို့ကြောင့် အိမ်တွင်ချက်ပြုတ်နေမည့်အစား ယွီသုံနှင့်အတူ ညစာစားရန် အိမ်အနီးအနားတွင်ရှိသော နာမည်ကြီးစားသောက်ဆိုင်သို့ ထွက်လာခဲ့ကြသည်။ထိုဆိုင်မှာ ကြိတ်ကြိတ်တိုးစည်ကားလှပြီး ကားပါကင်ထိုးရန်အတွက်ပင် အနည်းငယ်စောင့်ဆိုင်းနေခဲ့ရသည်။
၎င်းနောက် ညစာစားပြီးသည့်နောက်တွင် ကားရပ်ထားရာနေရာသို့ ရှဖန်တို့နှစ်ယောက် လမ်းလျှောက်ပြန်ခဲ့ကြ၏။ရှဖန်နှင့်အတူ လမ်းလျှောက်ရသည်ကို ယွီသုံအနေဖြင့် အလွန်သဘောကျသည်။
" ဘာလို့ လတ်အိတ်ဝတ်မလာရတာလည်း? "ရှဖန် ထိုသို့ပြောပြီး သူမ၏လက်ကို ဆွဲကိုင်ကြည့်လိုက်သောအခါ ယွီသုံ၏လက်တို့မှာ အနည်းငယ်အေးစက်နေခဲ့သည်။" မင်းရဲ့လက်တွေကို အိတ်ကပ်ထဲ မြန်မြန်ထည့်ထားလိုက်လေ "
ရှဖန် သူမ၏လက်အား လွှတ်ချလိုက်တော့မည့်အချိန် ယွီသုံသည် ရှဖန်လက်အား အလျင်အမြန် ပြန်လည်ဆုပ်ကိုင်ထားလိုက်သည်။" ကျွန်မ မအေးပါဘူး! "
" ဘယ်လိုလုပ်ပြီး မအေးပဲနေမှာလည်း?မင်းရဲ့လက်တွေက နီရဲလာနေပြီ "ရှဖန် ယွီသုံ၏လက်ကို မြှောက်ပြလိုက်သောအခါ သူမ၏လက်ဖဝါးများသည် အပြာရောင်သို့ပင် ကူးပြောင်းနေပြီဖြစ်သည်။
ယွီသုံလည်း ဘာမှမပြောတော့ဘဲ ရှဖန်အား တစ်ချက်လှမ်းကြည့်လိုက်ပြီးနောက် လမ်းကို ခြေထောက်ဖြင့် ကန်လိုက်သည်။
" ဘာဖြစ်လို့လည်း? "
" ကျွန်မက ရှင်နဲ့အတူ လက်တွဲထားချင်တာကို "လေတိုက်နေသောကြောင့် ရှဖန် ကြားမည်မဟုတ်ဟု တွေးထင်ကာ သူမ တိုးတိုးလေးပြောလိုက်သည်။
ကံကောင်းစွာဖြင့် ၎င်းတို့နှစ်ယောက်မှာ အလွန်နီးကပ်နေသောကြောင့် သူမ၏ပြောစကားများကို ရှဖန်ကြားလိုက်ရ၏။
ရှဖန်လည်း သူမ၏ခေါင်းမှစ၍ ယှက်တွဲထားသည့် သူတို့၏လက်များအထိ ငုံ့ကြည့်လိုက်ပြီးနောက် ယွီသုံ၏လက်များကိုယူ၍ သူ၏ဂျာကင်အိတ်ကပ်ထဲသို့ထည့်လိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!