Unicode
နယူးယောက်မြို့ရှိ ဈေးဝယ်စင်တာ၌ ရှဖန်တစ်ယောက် ယွီသုံအတွက် နှုတ်ခမ်းနီဝယ်ရန် ရှာဖွေနေပြီး အလှကုန်ထားသည့်နေရာထောင့်နားတွင် အကြမ်းဖျင်းလေ့လာကြည့်ရှုနေလေ၏။ထိုဆိုင်မှ အရောင်းဝန်ထမ်းက နှုတ်ခမ်းနီအရောင်များအား အကြံပေးသော်လည်း မည်သည့်အရောင်အား ရွေးချယ်ရမည်ကို မသိလေသောကြောင့် ရှဖန် ကြိုးစားပမ်းစား စဉ်းစားနေခြင်းကို ရပ်တန့်၍ ယွီသုံအား ဖုန်းခေါ်လိုက်သည်။
ထိုစဉ် ယွီသုံမှာ အလုပ်သို့သွားနေသည့် ဘတ်စ်ကားပေါ်၌ဖြစ်ပြီး ဖုန်းခေါ်ဆိုသူမှာ ရှဖန်ဖြစ်သဖြင့် သူမအံ့ဩသွားသည်။" ရှဖန်? "
" အင်း...ကိုယ်အခု နှုတ်ခမ်းနီဝယ်နေတာလေ...အရောင်တွေက အရမ်းများတော့ ဘာရွေးရမှန်းမသိတော့ဘူး။မင်းက ဘယ်အရောင် သုံးနေကြလည်း? "
နှုတ်ခမ်းနီ?
" ဘာနှုတ်ခမ်းနီလည်း? "
" မင်းရဲ့စာရင်းထဲက ၅၅ခုမြောက်လေ "
" Oh! "ထိုအခါမှ သူမသတိရသွားပြီး မယုံနိုင်စွာဖြင့် မေးလ်ိုက်၏။" ရှင်...မဟုတ်မှလွဲရော....ကျွန်မမှာလိုက်တဲ့ ပစ္စည်းတွေကို တစ်နေ့တစ်ခုချင်းဆီ ဝယ်နေတာလား? "
" မဟုတ်ပါဘူး...ကိုယ် မင်းမှာလိုက်တဲ့ maskတွေကိုတော့ အကုန်တစ်ခါတည်း ဝယ်လိုက်တာလေ။အဲ့တာတွေသာ တစ်နေ့တစ်ခုဝယ်နေရင် အရောင်းဝန်ထမ်းက ကိုယ့်ကိုကျိန်ဆဲနေမှာပေါ့ "
" ဟား...ဟား။ဒါဆို စာရင်းထဲမှာပါသမျှ အကုန်ဝယ်ပြီးသွားပြီလား? "
" အကုန်လုံးနီးပါးတော့ ဝယ်ပြီးပါပြီ "
" ရှင်က တော်တော်နာခံတာပဲ "
" မင်းပဲ ကိုယ့်ကို တစ်နေ့တစ်ခု ဝယ်ခိုင်းတာမဟုတ်ဘူးလား? "ယွီသုံ၏မယုံကြည်နိုင်သည့်အသံကြောင့် ရှဖန်မေးလိုက်သည်။" မဟုတ်မှလွဲရော ကိုယ်အပျင်းပြေအောင်လို့ အဲ့ဒီစာရင်းလုပ်ပေးလိုက်တာတော့ မဟုတ်ဘူးမလား? "
" သေချာပေါက် မဟုတ်ပါဘူး။ရှင်အခု ဘယ်ကောင်တာမှာ ရောက်နေတာလည်း? "
ရှဖန်လည်း ကြော်ငြာဆိုင်းဘုတ်ကို ကြည့်လိုက်သည်။" Chanelတဲ့ "
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!
