Unicode
ရန်ရှင်းရှင်း ဆေးရုံမှဆင်းလာပြီးကတည်းက နေသာသည်ဖြစ်စေ...မိုးရွာသည်ဖြစ်စေ ယွီသုံသည် စွပ်ပြုတ်ပို့ဆောင်ပေးပြီး ခေါင်းလောင်းလေးဆီသို့လည်း လာလည်လေ့ရှိသည်။ရှင်းရှင်းရဲ့သမီးကို ဘယ်လိုလုပ်ပြီး ဒီလိုခေါ်ရသလည်းဆိုတော့... ရှန်းရှောင်ယွဲ့က ထိုကလေးငယ်နှင့်ဆော့ကစားရန် အရုပ်မျိုးစုံကိုကိုင်တွယ်ထားသော်လည်း ကလေးငယ်သည် အမြဲတစေ ထိုအရုပ်ခေါင်းလောင်းပေါ်၌သာ အာရုံအကြီးကြီးရလေသည်။ထို့အတွက်ကြောင့် ခေါင်းလောင်းလေးဟု အမည်တွင်သွားရခြင်းဖြစ်သည်။
ယွီသုံသည် ခေါင်းလောင်းလေးနှင့် ဆော့ကစားနေသည်ကို ရှင်းရှင်းမြင်သောအခါ သဘောတကျဖြင့် ပြောလိုက်သည်။" နင်က ကလေးတွေကို အရမ်းချစ်တတ်တာဆ်ိုတော့ တစ်ယောက်လောက်တော့ မွေးသင့်နေပြီ "
" အဲ့လိုဖြစ်ရင်လည်း ဖြစ်လာမှာပေါ့ "ယွီသုံ ချိုသာစွာ ပြုံးရယ်လိုက်သည်။
" Oh?နင်တို့ ကလေးယူဖို့ ကြိုးစားနေကြတာလား? "ရန်ရှင်းရှင်း အနည်းငယ်အံ့ဩသွားသည်။
" ဟုတ်တယ်! "ယွီသုံ ချက်ချင်းပင် ဝန်ခံလိုက်သည်။
" ကောင်းတာပေါ့ "ရန်ရှင်းရှင်းသည် အစပိုင်း၌ အနည်းငယ် အံ့ဩသွားသော်လည်း တွေးတောနေပြီးနောက် မေးမြန်းလာသည်။" ဒါပေမယ့် သိပ်မကြာခင်တုန်းက ရှဖန်ရဲ့ရည်းစားဟောင်းက ဒီကိုပြန်လာတယ်လို့ ငါကြားလိုက်ရတယ် "
" သူက ရည်းစားဟောင်းပဲလေ...ရှဖန်က သူနဲ့ ဘာလုပ်စရာရှိနေဦးမှာမို့လို့လည်း? "ယွီသုံ ပခုံးတွန့်ပြလိုက်သည်။
" နင် မပေါ့ဆသင့်ဘူးနော် "ယွီသုံ၏ချေငံလှသည့် အပြုံးကိုမြင်သောအခါ ရန်ရှင်းရှင်း သူမကို သတိပေးလိုက်သည်။
" စိတ်မပူပါနဲ့...ငါက နိုးနိုးကြားကြားနဲ့ သတိထားစောင့်ကြည့်နေပါတယ် " ယွီသုံ မျက်စိမှိတ်ပြလိုက်သည်။
ရန်ရှင်းရှင်းမှာမူ ခေါင်းကိုခါရမ်းပြီး ပြုံးလိုက်သည်။ ထို့နောက် နာရီကိုလှမ်းကြည့်လိုက်ပြီး ယွီသုံကို ပြောလိုက်သည်။" ဝန်ထမ်းတွေနဲ့ စာချုပ်ကိစ္စပြောရဦးမယ်လို့ နင်မပြောဘူးလား?နင် မြန်မြန်သွားသင့်ပြီ... "
![](https://img.wattpad.com/cover/278747095-288-k737801.jpg)
ČTEŠ
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!