Unicode
လမ်းမီးရောင်များသည် အနီရောင်မီးပုံးများဖြင့် စတင်ဖုံးလွှမ်းလာပြီး ဈေးဝယ်စင်တာများအားလုံးသည်လည်း အနီရောင်ပစ္စည်းများအားလုံးကို စတင်ခင်းကျင်းပြသထားကြသည်။
သူမတို့၏တရုတ်ရိုးရာနှစ်သစ်ကူးသည် အလွန်နီးကပ်လာပြီဖြစ်ကြောင်း ယွီသုံတွေးမိလိုက်သည်။ထို့ပြင် နှင်းကျသည့်ဒဏ်မှ ကာကွယ်ရန် အိမ်များတွင် မီးပုံးများဖြင့် အလှဆင်ထားကြသည်။
" ဒါတွေပဲ တကယ်ယူမှာလား? "သူတို့၏ဈေးဝယ်ခြင်းတောင်းကိုကြည့်ကာ ထိတ်လန့်သွားပြီး ရှဖန်မေးလိုက်သည်။
ယောက္ခမများဆီသို့ သွားရောက်လည်ပတ်ရန်အတွက် နှစ်သစ်ကူးလက်ဆောင်ဝယ်ယူရန် ရှဖန်သည် ယွီသုံအား အနီးရှိ ဈေးဝယ်စင်တာသို့ ဆွဲ၍ခေါ်ဆောင်သွားခဲ့သည်။
" စိတ်ချလက်ချနေစမ်းပါ...ကျွန်မအဖေရဲ့ တစ်ခုတည်းသောဝါသနာက ဆေးလိပ်သောက်တာနဲ့အရက်သောက်တာပဲ "
ယွီသုံ ထိုသို့ပြောပြီးသည့်နောက် ရှဖန်သည် ပစ္စည်းများကို ညွှန်ပြရင်းဖြင့် ပြင်းပြင်းထန်ထန် သတိပေးလေသည်။" မင်း သူ့ဆီကနေ သင်ယူလို့မရဘူးနော် "
ထို့နောက် ရှဖန်သည် ဈေးဝယ်ခြင်းကိုကြည့်ကာ ပြောဆိုလေသည်။" ဒီပစ္စည်းတွေက ဈေးအရမ်းချိုနေတုန်းပဲ။Maotai ၂ပုလင်းလောက်ရော ကိုယ်တို့ ယူသင့်တယ် "ရှဖန်သည် ယွီသုံရွေးချယ်ထားသည့် ဝိုင်ပုလင်းများ၏ဈေးနှုန်းအပေါ်၌ စိတ်ကျေနပ်မှုမရှိသေးပေ။
" မဟုတ်ဘူး...ကျွန်မတို့၁ပုလင်းပဲ ဝယ်ရမယ်။မဟုတ်ရင် သူက အခြားတစ်ပုလင်းကို သိမ်းထားနေလိမ့်မယ်။တစ်ခါတုန်းကလည်း အဖေက အမေနဲ့အတူ စင်တာတစ်ခုကိုသွားရင်းနဲ့ ဒီလိုမျိုးစီးကရက်တွေကို တိတ်တိတ်လေးဝယ်လာခဲ့သေးတယ် "ဖခင်ဖြစ်သူ၏ သဘောသဘာဝကို ယွီသုံသိလေသည်။
" ခဏ...ဒါဆိုရင် မင်းအဖေက အသစ်ဝယ်လာတဲ့ အထုပ်တွေနဲ့ တိတ်တိတ်လေး လဲထားမှာကို တားဆီးဖို့အတွက် နိုင်ငံခြားကတင်သွင်းတဲ့ ဒီစီးကရက်နဲ့အရက်တွေကို ဝယ်တာလား? "
" တော်တယ်! "ယွီသုံ ချီးကျုးလိုက်သည်။
" အန်တီ့အတွက်ကရော ဘယ်လိုလည်း?သူ့အတွက် ဗီတာမင် နည်းနည်းလောက် ထပ်မဝယ်တော့ဘူးလား? "ဈေးဝယ်ခြင်းထဲမှ ပုလင်းအနည်းငယ်ကို ညွှန်ပြရင်း ရှဖန်မေးလိုက်သည်။
YOU ARE READING
Rebirth on the Doors to the Civil Affairs Bureau(ဘာသာပြန်)
RomanceI don't own this story and all credit to the author(s) and english translator(s)!!!