ភាគទី៥ «ក្ដីឃាតកម្មទី១»
ថេយ៍! ថេយ៉ុង!!
ហ្ហា!!!
ថេយ៍ស្រាប់តែស្ទុះបើកភ្នែកមកភ្លាមៗ រួមជាមួយខ្យល់ដង្ហើមដែលដកមកដង្ហក់ បែកញើសដាបថ្ងាស កាលបើត្រូវបាននាយកំលោះជុងហ្គុកអង្រុនខ្លួនខ្លាំងៗឱ្យភ្ញាក់ពីការសុបិនរបស់គេ ។
ស៊ូហូដើរមកជិតថេយ៍បន្តិច រួចនាយក៏បន្លឺសំណួរចោទសួរឡើងទាំងបារម្ភ៖
«នេះមានរឿងអី? ជុងហ្គុក?»
«ថេយ៍ ឯងបានឃើញអ្វីខ្លះ?» ជុងហ្គុកមិនតបមិត្តខ្លួន តែប្ដូរជាមកចោទសំណួរសួរថេយ៉ុងវិញទាំងចង់ដឹង ។
ហុឹម!!
ថេយ៉ុងបន្ធូរដង្ហើយមមកយ៉ាងវែង ទើបគេបន្លឺតបឆ្លើយទៅអ្នកដែលចង់ដឹងវិញ៖
«ខ្ញុំគ្មានទទួលអ្វីបានទេ! គ្រប់យ៉ាងគឺគ្មានដាមឬសញ្ញាអ្វីមួយឡើយ! តែ..»
«តែអ្វី?» ជុងហ្គុកសួរបកយ៉ាងរហ័ស ។
«គឺមានអ្វីម្យ៉ាងកំពុងតែប្រាប់ខ្ញុំថា នឹងមានក្ដីឃាតកម្មកើតមកឆាប់ៗ!»
«នរណាគេថេយ៍?» ម្ដងនេះនាយកំលោះស៊ូហូជាអ្នកបន្លឺសួរម្ដង ។
«ខ្ញុំមិនដឹងទេ! គ្រាន់តែខ្ញុំមានអារម្មណ៍បែបហ្នឹង! គេជាមនុស្សស្រីចំណាស់ អាយុប្រហែ៣៥ឆ្នាំ! ខ្ញុំដឹងតែប៉ុណ្ណឹងទេ!»
«នេះជាអ្វីឱ្យប្រាកដទៅ?»
គ្រប់គ្នាដែលនៅក្នុងបន្ទប់កុសលវិច្ឆ័យពេលនេះ នាំគ្នាចងចិញ្ចើមឆ្ងល់មកជាមួយរឿងរ៉ាវដែលកើតឡើងមកនេះយ៉ាងខ្លាំង ។ ពេលនេះ អ្វីៗគ្រប់យ៉ាងហាក់ស្រពិចស្រពិលមិនច្បាស់លាស់ឡើយ! ជាពិសេសគឺថេយ៍ ដែលកំពុងមិនយល់មកយ៉ាងខ្លាំង ថានេះវាជាល្បែងប្រស្នាអ្វីឱ្យប្រាកដ? ហើយនរណា ម៉េចក៏មកលេងសើចបែបនេះ?
យប់ម៉ោង៧
នៅផ្ទះនាយកំលោះជុងហ្គុក ដោយពេលនេះនាយកំពុងតែចូលផ្ទះបាយធ្វើម្ហូបសម្រាប់ញុំា ។ ចំណែកថេយ៉ុងវិញ គេកំពុងតែអង្គុយកៅអីក្បែរតុអាហារជាមួយការឈ្ងោកមុខទៅក្រោម ហាក់ដូចជាគ្មានវិញ្ញាណនៅក្នុងខ្លួនបន្តិចសោះ ។
DU LIEST GERADE
ប្រជុំរឿងភាគប្រលោមលោកBTS
Romantikនេះជាសៀវភៅប្រជុំរឿងភាគប្រលោមលោកBLរបស់BTS គូVKook Yoonminណាណប់ចិត្ត។ រឿងដែលអេតមីនបានសរសេរ ១សង្រ្គាមស្នេហា (បាន១១ភាគ ហេីយនឹងត្រៀមចេញជាសៀវភៅលក់ខែ៥នេះ) ២ភូមិគ្រឹះផ្កាយមួយពាន់ (អេតមីនសរសេរចប់ហេីយអាចចូលអានបាន ជារឿងគូរVKook សាច់រឿងបុរាណរន្ធត់ អាថ៌កំបាំង ស្...
