រឿង «បេះដូងសាតាន/The Satan's Heart»
ភាគទី3 «ឆាកជីវិតស្រងេះស្រងោច»
«ជីវិតមួយដែលកើតមកកំព្រាឯកាខ្លាំងទៅហើយ ប៉ុន្តែព្រហ្មលិខិតមិនមេត្តាបែរជាមកដាក់ទោសជីវិតរបស់ក្មេងប្រុសម្នាក់នេះឱ្យកាន់តែវេទនាខ្លាំងលើសពីពាក្យថាគណនាបាន។ ឆាកជីវិតខ្ញុំវាសែនស្រងេះស្រងោចប្រៀបដូចជាចន្ទដែលបាត់ពន្លឺហ៊ុមដណ្ដប់ទៅដោយយប់រនោចហាក់គ្មានស្រាកស្រាន្តទុក្ខា....។»
•••••••
ផាច់ៗ!!
"ពួកអាបំបង់បាយអស់ឯងនេះ! គ្រាន់តែក្មេងប្រុសម្នាក់ក៏ពួកអាអស់ឯងចាត់ការមិនបានដែរ! ចំជាចង្រៃមែន!''
សំឡេងកាំភ្លៀងដែលទះមកខ្លាំងៗមិនបង្អន់ដៃព្រមជាមួយសំឡេងនិយាយមកទាំងច្រឡោតកាចរបស់លោកប្រមុខម៉ាហ្វៀដែលនរណាៗក៏នាំខ្លាចក្រែងរអា គាត់គឺលោកម្ចាស់ជុងសុីន។
បន្ទាប់ពីចាត់ការសម្លាប់ថេយ៉ុងមិនបាន ពួកកូនចៅលោកជុងសុីនក៏បានត្រលប់មករាយការណ៍ដំណឹងមកឱ្យលោកវិញ វារឹតតែធ្វើឱ្យអ្នកជាមេគ្រោងការបញ្ជាពួកនាយទាំងពីរបានខឹងសម្បាមកយ៉ាងគួរឱ្យខ្លាច។ បន្តិចក្រោយមកកូនចៅលោកពីរនាក់ដែលត្រូវរាងធ្ងន់ៗនោះក៏នាំគ្នាដើរចេញពីបន្ទប់ធ្វើការរបស់លោកម្ចាស់ជុងសុីនវិញ ដោយទុកឱ្យតែលោកជុងសុីននៅអង្គុយក្ដាប់ដៃចូលគ្នាខ្លាំងៗរួមនឹងកែវភ្នែកសម្លឹងមុតជ្រៅហាក់កំពុងតែសញ្ជប់សញ្ជឹងរឿងជាច្រើនរហូតយើងមិនអាចទាយដឹងពីចិត្តគំនិតប្រមុខម៉ាហ្វៀម្នាក់នេះបានឡើយ។
មួយស្រឡេតក្រោយទើបវាចាគ្រលរធំៗបែបម៉ឺងម៉ាត់ក៏បន្លឺសំឡេងមកខ្សាវៗឮតិចៗ៖
"ដាច់ខាតយើងមិនឱ្យកូនប្រុសយើងជាប់គុកឡើយ! ឯងត្រូវតែងាប់!''
...........
នៅកោះមួយកន្លែង..
ព្រឹកឡើង ពន្លឺរស្មីនៃសែងសុរិយាបានកំពុងតែចាំងជះមកកាន់ផ្ទៃផែនពសុធាយ៉ាងស្រស់ស្អាត។ កម្ដៅនៃពន្លឺអរុណោទ័យដែលជះមកកាន់ស្រទាប់ផែនដីហាក់បង្កើនកម្ដៅក្ដៅល្មមជួយលុបបំបាត់ភាពត្រជាក់បានខ្លះនៅឆ្នេរសមុទ្រដ៏សែនវែងអន្លាយដាច់កន្ទុយភ្នែកមួយនេះ។
أنت تقرأ
ប្រជុំរឿងភាគប្រលោមលោកBTS
عاطفيةនេះជាសៀវភៅប្រជុំរឿងភាគប្រលោមលោកBLរបស់BTS គូVKook Yoonminណាណប់ចិត្ត។ រឿងដែលអេតមីនបានសរសេរ ១សង្រ្គាមស្នេហា (បាន១១ភាគ ហេីយនឹងត្រៀមចេញជាសៀវភៅលក់ខែ៥នេះ) ២ភូមិគ្រឹះផ្កាយមួយពាន់ (អេតមីនសរសេរចប់ហេីយអាចចូលអានបាន ជារឿងគូរVKook សាច់រឿងបុរាណរន្ធត់ អាថ៌កំបាំង ស្...
